1 Korint 16:13 - DAWAN BÎLA AISKA

¹³ Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

1 Korint 16:13 ပူးပေါင်းရင်းမြစ်များ

2 Samuil 10:12

Kupiam lukra bri bas, wan kupia karna aiklabaia, wan nisanka nani ra luki, wan Gâdka tawanka nani ba ra sin lukaia. ¡Bara Dawan bui kau yamni kaiki ba kat wan daukbia!”

1 King Nani 2:2

“Yang mahka impakaia yabalka ra auna, upla sut wan yabalka ra. Bamna kupiam karna bri bas, bara sin waitna bas.

1 Kronikas 19:13

Spiritkam purara buks, bara aiklabi banhwi kap wan kupia karnakira wal, wan tawanka bara Gâd tawanka nani sut dukiara. ¡Bamna Dawan dîa kau yamni luki ba daukbia si!”

1 Kronikas 28:10

Bamna, kaiks nanara, Dawan bui bâk mai sakan Dawan wal aisaia watla kum paskaia, ¡bamna dutki bûi mahka dauks!”

Lawana Nani 27:14

¡Dawan kat luki bas! ¡Lukankam swapni takbiara! ¡Ban, Dawan ra baman bîla kaiki luki bas!

Lawana Nani 31:24

Dawan ra lukisma uplika nani sut karna bûi bas, lukankam ba sin karna bapi yas bûi kabia.

Aiseya 35:4

Kupia sibrinkira nani ra wis: “¡Man nani kupiam karna dauks, si bripara! Kaiks nâra sa man nani Gâdkam ba man nani swaki mai sakaia, bara waihlam nani ba klala yabaia baha klalka witin nani briaia kan ba.”

Daniel 10:19

Bara ai win: ‘Si bripara, kupiam sin turban takpara. Gâd bui man ra latwan mai kaikisa. ¡Karna bas bara kupiam sin karna bris!’ “Kau ai aisi kan bara daihra walri karnika brisna, bara wîri: ‘¡Dawan, ai aisas, kan man bui karniki ba aikram sa!’

Daniel 11:32

King ba yabal plikbia wal aisi lâ daukan lâka krakrikra nani ba maisa kapi kupia alkbia, sakuna Gâd ra kaiki uplika nani ba ban bapi bûi kabia, bara baha lâka ba mapara sin bubia.

Hageo 2:4

¡Zorobabel, waitna bas! ¡Jasua prîs nani wihtka sma ba, waitna bas! Juda uplika man nani sut sin lukankam karna bris. ¡Wark taks, kan yang lika man nani wal sna! Karnika sut brisna Dawanka, yang aisisni.

Sakaraya 8:13

Juda bara Israel luhpia nani, man nani nisan nani tilara mai lahtuban uplika nani kapram, baku sin nanara, yang bui man nani sut sma ba swaki mai saki yamni mai munan uplika nani mai daukamna. ¡Sakuna man nani si bripara! ¡Man nani karna bûi bas!”

Sakaraya 8:9

Dawan, karnika sut bri ba, naku aisisa: “Man nani, Dawan karnika sut bri ba tempelka kli mâkaia karna bûi bas; naha yua prapit nani dîa aisi ba walan sa, Dawan watla playka nani bapan ba dukiara.

Matiu 25:13

Bara kau pura praki Jisas witin nani ra win: —Man nani aihwaki bas, yang balaia yua, bara awarka ba sin kaikras sma bamna.

Matiu 26:41

Aihwaki puram suni bas, traika kaikan ra kauhmara sîa. Kasak pali, spiritkam ba wilin sa, sakuna wînam ba lika swapni sa.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

Galesha 5:1

Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

Epesus 3:16

Aisa ra puri sunisna ai prana kukanka ba wina, Gâd ai Spiritka ba ni man nani ra karnikam bara dîa daukaia karnika sin maikbia,

Epesus 6:10

Bara nanara, muihki nani, karna bas Dawan asla lâka ra, witinka karnika tara pali bri ba wal.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 4:1

Baku bamna, muihki laitwankira nani, man nani mai kaikan pali ai daukisa; man nani sika lilia ai daukisma ba, bara yang prisantki sin. Laitwankira nani, man nani baku ban Dawan ra rayakam ba bapi bûi bas.

Pilipai 4:13

Diara sut mapara karnika brisni, Kraist mita karnika aiki ba mita.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

Kolosi 4:2

Piua bani puram suni ban bas, aihwaki Gâd ra tingki wi bas.

1 Tesalonaika 3:8

Baha ba yang nani maipa ra rayaka raya kum baku sa, Dawan kat ban bapi bûi banhwisma bamna.

1 Tesalonaika 5:6

Baku bamna, yawan na wala nani ba baku yapaia apia sa; yawan lika raya kaia sa bara wan dara sin pain wali kaia sa.

2 Tesalonaika 2:15

Baku bamna, muihki nani, kasak bapi bûi bas, bara smalkanka nani, yang nani pali mita mai smalkri ba bara wauhtaya ra sin ulbi mai wîri ba, âmya tikpara.

1 Timoti 6:12

Kasak lukan lâka aiklabanka yamni ba aiklabi bas, bara raya ban kaia lâka ba man dukiam brima; kan baha dukiara sika Gâd mai paiwan ba, man ba kasak lukan lâka tânka yamni ba witnis ailal mawanra latan aisaram.

2 Timoti 2:1

Bara man, luhpi, yawan na Kraist Jisas wal asla ba mita yamnika bri ba wina karnika bris.

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

2 Timoti 4:7

Aiklabanka pain ba yang aiklabri, yabal ba aiska tnata kat plapri, kasak lukan lâka ba ban alki bri kapri.

Jasua 1:18

Man bui diara nani daukaia wima ba, daukaia apia wisi bîlam walras mampara bubia uplika nani ba lika, prubia. Bamna yang nani mamkabisna kupiam karna brih bapi bûi bas.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

Param Marikanka 16:15

“Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”

1 Samuil 4:9

Bamna filisteo nani ba naku aisin: “¡Aiklabaia dukia nani ba alki bris, kupiam karna waitna baku aiklas, Israel luhpia nani albika takmara sîa, witin nani ba man nani albikam takan ba baku!”