1 Korint 16:1 - DAWAN BÎLA AISKA

¹ Bara nanara lika aisisna, Gâd uplika nani Judia ra ba dukiara prisant nani saki blikaia ba; Galesha tasbaya sertska nani ra daukbia wîri ba baku dauks.

1 Korint 16:1 ပူးပေါင်းရင်းမြစ်များ

Apastil Nani Sturka 11:28

Witin nani tila wina kumi nina Agabo, witin lika wan muihni nani lilapas kat buan, bara Spirit Holikira mita yan aisin, nahki plun tiwan tara kum tasba aiska purara balbia. Baha ba kasak pali takan Claudio wihta tara aimaki kan piua ra.

Apastil Nani Sturka 11:30

Baku bamna, witin nani mita Bernabé bara Saulo wal mihta ra lalah ba mangki, Judia serts tâ uplika nani ra blikan.

Apastil Nani Sturka 16:6

Spirit Holikira adar yaras kata Asia ra sturi yamni ba smalkaia. Bamna witin nani Frigia bara Galesha tasbaika bâk impaki,

Apastil Nani Sturka 18:23

Bahara yu tila nani luan, ningkara kli taki impakan plis wala nani ra, Galesha ra bara Frigia ra sin; bahara iwi kristian nani sut tâ baiki kan.

Apastil Nani Sturka 24:17

“Mani ailal plis wala nani ra baman tauki katna ba wina, yang pali tasbaya ra kli balri, upliki nani ra prisant yaia, bara sakripais sin daukaia.

Apastil Nani Sturka 9:13

Naha walan ba ra, Ananías bila: “Dawan, baha waitnika dukiara upla ailal ai win, nahki diara saura manis daukan, man uplikam nani Jerusalem ra iwi nani ba mapara.

Apastil Nani Sturka 9:41

Pita bui mairka ba mihta ra alki bukan; ningkara lalukra nani bara piarka nani ba sut paiwan balan, witin nani ra marikan Tabitá ba kli rawan sa.

Roman 12:13

Gâd uplika nani dîa luha ba hilp munma; upla bal mai kaiki nani ba pain bris.

1 Korint 11:34

Bara ani uplika plun pin daukisa kaka, baha ai watla ra piaia sa; bara baku mika man nani asla aidrubisma tânkam ba, Gâd mita klala maikbia apia. Diara wala nani ba lika, yang bui man nani ra mai kaikamna ba ra, wapnika mangkamna.

1 Korint 16:15

Estéfanas ai watla uplika wal tânka ba kaikisma; witin nani sika Acaya tasbaya ra pas upla nani kristian takan ba, bara witin nani ai wîna aiska ni Gâd uplika nani dukia daukisa.

1 Korint 4:17

Naha dukiara, Timoti ba man nani ra blikuna. Witin sika Dawan ra luhpi laitwankira bara kasak pali ba. Witin ba yang na Kraist ra lalukra baku nahki iwisna tânka ba man nani kupiam kraukbia, plis sut ra serts bani ra smalkisna ba baku.

Galesha 1:2

Bamna yang, bara wan muihni nani yang wal nani ba mita sin, naha wauhkataya na ulbisna, Galesha tasbaya ra serts nani bâra ba sut ra.

Galesha 2:10

Witin nani baman yang nani ra makaban, umpira nani dukiara luki banhwi kamna, bara baha sika aman pali kaiki daukaia luki kapri ba.

Pilimon 1:5

kan yang walri man ba Gâd uplika nani sut ra latwan kaikisma, bara Dawan Jisas ra kasak lukan lâka brisma.

Pilimon 1:7

Bamna man latwankam lâka ba mita, uya lilia bara karnakira ai daukram, bara man tânkam mita, muihki laitwankira, kristian ailal maisa nihkram sa.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

1 Jan 3:17

Yuya bri uplika kum kra ai muihni kum diara want pali kan kaikisa, sakuna witin baha dukiara sari lukras kaka, ¿nahki sip kabia witin ai kupia ra Gâd ra latwan kaikan lâka ba bri kaia?