1 Korint 15:53 - DAWAN BÎLA AISKA

⁵³ Kan yawan ra prui dukia ba, ban kaia pruras dukia ba ni ai kwalka baku dimaia sa; bara wan wîna tara prui na ban kaia ra pruras dukia ba ni ai kwalka baku dimaia sa.

1 Korint 15:53 ပူးပေါင်းရင်းမြစ်များ

Roman 1:23

kan ban kaia ra pruras, Gâd ra prana ba swi si, pruaia uplika lilka ra ni tawan, ban sin daiwan tnawira nani bara kwasi nani lilka ra, bara daiwan mina walhwal bri nani ra sin.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

Galesha 3:27

Man nani sut Kraist wal asla kaia wisi tahbi mai daukan ba, witinka mita puram prâka baku mai brisa.

Epesus 4:24

bamna Gâd kupia lâka kat prâka ba ni dimi banhwaia sma, bara sin marikma nahki rayaka kumi kasak pali wapni bara holikira ba.

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.