1 Korint 15:51 - DAWAN BÎLA AISKA

⁵¹ Sakuna dahra prakan kum na wals: Yawan sut lika prubia apia; sakuna sut aihka wan lakan kabia,

1 Korint 15:51 ပူးပေါင်းရင်းမြစ်များ

1 Korint 13:2

Gâd aikan bîla dahra nani ba aisaia sip kamna kra, dahra prakan tânka nani ba sut kakaira kamna kra, sins lâka sât sât bri kamna kra, il nani ba ai pliska wina kitbi sakaia kasak lukan lâka aitani kat bri kamna kra, sakuna latwan lâka âpu sna kaka, yang lika bahki sni.

1 Korint 15:18

Bara baku sa kaka, Kraist ra kasak luki pruan nani ba sin tanis tiwan sa.

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

1 Korint 15:6

Baha ningkara wan muihni 500 pura witin ba sim piua ra kaikan, bara baha tila wina aihkika ba kau raya sa, bara tila nani lika pat pruan sa.

1 Korint 2:7

Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara.

1 Korint 4:1

Baku bamna, man nani mita yang nani na Kraist dukia dadaukra nani baku ai kulkaia sma, Gâd dahra prakan tânka nani ba aisi smalkamna wisi wan mangkan ba.

2 Korint 5:2

Kasak pali, yawan wan wîna tara mapa ra kau raya ba ra, wan mamna sin lulkisa, bara wan watla kasbrika purara ba ra mahka brin wan daukisa wih dimaia;

2 Korint 5:4

Yawan lika naha tintka ra iwi na piua ra, wan mamna lulkisa bara sari sin wan daukisa. Wan wîna tara almuk na wina prâk baku daiki sâkbia lika wiras, kuna brin wan daukisa, wîna tara raya ba ni wan dingkan kabia, baha mita naha wîna tara pruikira na, raya ba mita âpu daukan kabia dukiara.

Epesus 1:9

bara witin ai brinka yukukan ra ba sin wan marikan, baha sika witin Kraist bâk diara sut tnata alkaia luki kan ba.

Epesus 3:3

Gâd ai tânka dahra prakan ra bri kan ba param marikan, yang pali ra sin aikan kaikri, pat bîla prahni mai ulbatna ba baku.

Epesus 5:32

Naha na dahra prakan tara kum sa, bara yang aisisna naha na Kraist wih ai sertska ba wal tânka sa.

Pilipai 3:21

Witin bal wan wîna tara umpira pali na lakbia, witin klauna ai wîna tara pranakira ba baku kabia dukiara. Bara baha diara nani sut ba, witin ai mihta alki briaia karnika bri ba wal daukbia.