1 Korint 15:23 - DAWAN BÎLA AISKA

²³ Sakuna kumi bani ai pliska mangkan ba kat: Kraist ba sut tâura; baha ningkara, Kraist balbia ba ra, witin uplika nani ba.

1 Korint 15:23 ပူးပေါင်းရင်းမြစ်များ

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Matiu 16:28

Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.

Apastil Nani Sturka 26:23

Baha tânka ba lika: Misaya ba pât wahwaia kan, bara sin prubia ningkara, witin sika pruan nani wina pas upla buan kabia ba, bara swaki sakan sturka yamni ingnika ba Ju nani ra smalkbia, bara Ju apia nani ra sin.”

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

1 Korint 15:52

wan nakra klipan kumi ra, trumpit binka ba walbia. Trumpit ba inbia, bara pruan nani ba bukan kabia, bara kli prubia apia; bamna yawan na aihka wan lakan kabia.

1 Korint 3:23

bara man nani lika Kraist dukia sma, bara Kraist ba Gâd dukia sa.

1 Korint 6:14

Bara Gâd mita Dawan ba pruan wina kli bukan ba baku, yawan ra sin ai karnika ni wan bukbia.

2 Korint 10:7

Man nani lika diara nani wan mawan kat ba baman kaikisma. Bamna ani uplika kasak lukisa witin ba Kraist dukia sa, baha ba ban ai kupia ra bri kaia sa, baha sim natka ra yang nani sut na sin Kraist dukia sna.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Pilipai 3:11

baku kra yang sin pruan wina kli buaia sip kamna ba bîla kaikanka wal.

1 Tesalonaika 2:19

¿Bamna yang nani kainira diara bîla kaikisna ba, liliaki ba bara yang nani maiyunra kraunka ba, dîa kabia ki? Baha ba man nani pali sika, wan Dawan Jisas Kraist balbia ba ra.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;