1 Korint 14:6 - DAWAN BÎLA AISKA

⁶ Baha mita, muihki nani, yang na man nani ra bal bîla sât aihka nani ra mai aisamna kaka, ¿dîa hilpka man nani brima ki? Hilp nani brima apia, ban kra Gâd mita diara kum yawan kaikbia dukiara mai aisuna kaka lika, diara tânka kaikan dahra kum mai wisna kaka, Gâd wina sturi kum brih aisuna kaka, wan kanra bîla kaikan lâka kum kabia.

1 Korint 14:6 ပူးပေါင်းရင်းမြစ်များ

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Matiu 16:17

Bara Jisas witin ra win: —Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia.

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Apastil Nani Sturka 2:42

Baha uplika nani lika yu bani takaskras kira, apastil nani smalkanka nani wina diara lan taki kan, bara witin nani sin pana pana ai walka dukiara luki kan, ai pura sin suni banhwi kan, sut sin asla taki brit kriki pi kan.

Roman 15:14

Muihki nani, yang kasak daira walisna, man nani lika kupia yamni lâka bara diara tânka kaikaia lâka ni sin aibanhram pali sma, bara pana pana kupiam kraukaia lâka sin brisma.

Roman 16:17

Bamna muihki nani, aman kaiki bas baha nani aihka dakwi takaia lâka bara mina prukaia lâka buki banhwi ba, kan baha uplika nani ba lika man nani dîa smalkanka lan takram ba mapara sa. Bamna witin nani wina aihka dakwi taks,

Roman 6:17

Sakuna Gâd ra tingki kabia, man nani lika kaina piua ra saurka lâka albika nani katma, kuna nanara mai smalkan ba kat kupiam aiska ni witinka mihta ra aimakram ba bîla wali daukisma.

1 Korint 10:33

Yang daukisna ba baku dauki bas: yang lika dîa dîa daukisna ba ra upla nani dîa lihki ba kat daukaia trai kaikisna; yang painki plikras, sakuna upla wala nani painka lika, witin nani swaki sakan kabia dukiara.

1 Korint 14:1

Bamna man nani trai kaiki bas latwan lâka ba bri kaia, bara Gâd mita spirit sinska lâka nani maikbia dukiara sin karna pali pliki banhwi bas, kau pali witin wina sturi nani brih aisaia ba.

1 Korint 14:7

Miusik pulaia dukia nani, plut, apia kaka arp, binka sât nani daukisa kaka, binka aihka nani baku bamna, tânka briras sa, dîa tiunka kangbisa sapa.

2 Korint 11:6

Bamna yang na aisaia mapa ra bîlas kum baku sna kuna, yang sinski tânka ba lika baku apia sa; bara naha na yang nani mita man nani ra latan mamrikri piua bani diara sut ra.

2 Korint 12:1

Diara kumi sin hilp sakras upla kum witin yakan ai dukiara diara aisaia tânka ba wina, bamna kanra pain kabia diara aihka nani bara param kaikri dukia nani Dawan ai marikan nani ba aisaia.

2 Korint 12:7

Diara nani param kaikri ba lika diara aihka pali kan, baha mita yang sip maiyunamna apia, wîni ra latwan kum aikan kata sin wîni tara ra kiaya kum ai diman ba baku, bara baha lika Sitan warkka baku balan kan wîni tara ra rausauhkaia.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Epesus 3:4

Aisi kaikma bara man nani sip sma kaikaia, Kraist ra diara yukukan bâra ba yang kaikisna,

Pilipai 3:15

Yawan nani wan kasak lukan lâka mapa ra kasak pâwan ba, baku lukaia sa. Ban sakuna, man nani wina kum aihka lukisa kaka, Gâd bui baha ba sin param mamrikbia.

2 Timoti 2:14

Uplikam nani ra naha na kupia krauks, bara Gâd mawanra sin karna smalki wis, bîla nani dukiara unsabiara. Naha blahwanka nani lika bahki baman sa, wali uplika nani ra sauhkaia baman.

2 Timoti 3:10

Sakuna man lika yang smalkanki nani ba pain nina blikram sa, nahki yang iwi kapri ba, yang dîa daukaia want kapri ba sin; man ba yang kasak lukanki lâka ba pain alki briram, wihka bîla kaikisna lâka ba, latwanki lâka ba, bara ban bapi bûi kaia lâka ba sin,

2 Timoti 3:16

Ulbanka aiska ba Gâd wingka puhbra mita sika, bara baha ba yamni sa upla ra smalkaia bara lawi daukaia, swakwanka nani ba wapni daukaia, bara kasakka lâka mapa ra upla ra smalkanka yabaia dukiara,

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

2 Pita 1:5

Baha mita, trai kaikaia sma kasakkam lukan lâka ra, daukankam pain ba pura prakaia daukanka pain ra tânka briaia lâka;

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.

2 Jan 1:9

Ani uplika Kraist smalkanka ba swi si ai kupia lâka kat ban tauki ba, witin lika Gâd luha pali sa; kuna ani uplika Kraist smalkanka kat ba, witin lika Aisa ba brisa bara Luhpia ba sin.

1 Samuil 12:21

Kunin gâdka nani nina blîkpara, baha nani hilp mai munras, swaki sin mai sakras, kan witin nani ba kuninkira nani sa bamna.