1 Korint 14:16 - DAWAN BÎLA AISKA

¹⁶ Kan man ba spiritkam ni baman Gâd ra mayunra yabisma kaka, upla kum baha wali ba sip tingkikam pura sunra bara man wal asla takras, kan dîa aisisma ba witin tânka briras sa.

1 Korint 14:16 ပူးပေါင်းရင်းမြစ်များ

1 King Nani 1:36

Bamna Joiadá luhpia waitna, Benaías bui pana wibia: —¡Baku kabia, bara baku wibia Dawan, king tara Debit Gâdka ba mita!

1 Kronikas 16:36

¡Dawan ba yamni pali kabia, witinka Israel Gâdka ba ban kaia ra!’’ Bara upla nani sut bila win: “¡Baku kabia!” Bara Dawan ra mayuni banhwan.

Nihimaya 5:13

Baha aisin ningkara, yang prâika ba singbri, bara wîri: “Naku Gâd mita man nani wamtla ba wina singbi mai sâkbia bara warkkam ba wina sin singbi mai sakan kabia, ani waitnika naha lâka daukaia swer takan ba kulkras kabia kaka, naku singbi diara âpu mai daukbia.” Bara upla sut ba mita win: “Baku kabia.” Bara witin nani Dawan ra mayunan. Bara upla sut dîa aisin ba kat daukan,

Nihimaya 8:6

Bara Esdras bui Dawan ra mayunan, Gâd karnika sut bri ba ra yamni pali win, bara upla nani sut ba ai mita nani buki win: “Baku kabia, baku kabia.” Baha ningkara, witin nani bawikira Dawan ra mayunan, ai mawan nani tasba ra makupi.

Lawana Nani 106:48

¡Dawan ba yamni pali kabia, witinka Israel Gâdka ba, ban kaia ra! ¡Upla sut wibia: “Baku kabia”! ¡Dawan ba mayunan kabia!

Lawana Nani 41:13

¡Dawan ba yamni pali kabia, witinka Israel Gâdka ba, nanara bara ban kaia ra sin! ¡Baku kabia!

Lawana Nani 72:19

yamni pali win kabia ai nina pranakira ba. ¡Tasba aiska ba prana ni banhbia! ¡Baku kabia!

Lawana Nani 89:52

Dawan ba yamni pali kabia ban kaia ra. ¡Baku kabia!

Jirimaya 11:5

Man nani bîli walma kaka, damikam nani ra swer taki aisari ba kat daukamna, tasba kum witin nani ra yabaia wîri ba, baha tasbaya sika nanara witin nani bri ba bahara tialka laya nasma wal lî baku aubisa.” Bara yang pana wîri: “Âu, Dawan.”

Jirimaya 28:6

—¡Âu, ban kra Dawan baha daukbia kra si! ¡Man aisaram bîla nani ba Dawan ban kra baku daukbia kaka pain pali, tempel dukia nani ba kli bri balbia upla nani Babilon ra brih wan ba sin kli balbia!

Kulki Kaikanka 5:22

Bamna naha lahtubaia laya nani na man dima bara biamra bilara iwi wabia bara baku takbia.’ Bara pana mairin ba wibia: ‘Baku kabia.’

Matiu 15:36

Bara brit ba, inska nani ba sin brih, Gâd ra tingki yaban. Ningkara bâk kriki, disaipil nani ra yan upla nani ra yuaia. Witin nani baku daukan.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Mark 16:20

Bamna disaipil nani mahka taki, sturi yamni ba plis sut ra aisi smalkan. Dawan sin witin nani ra hilp muni kan, bara ai smalkanka, sain nani taki ba mita, tâ baiki kan.]

Jan 21:25

Diara kau manis bâra sa Jisas daukan ba, bamna baha nani sut ba ulbaia kaka, kumi bani yang lukisna tasba aiska ra sip alkbia apia.

Jan 7:15

Bara Ju nani ba tâ iwi, naku aisin: —¿Nahki naha waitna diara tânka manis kaikisa, skul sin dimras ba?

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

1 Korint 11:24

bara Gâd ra tingki wih, kriki, wisata: “Naha sika yang wîni tara, man nani dukiamra yaban ba. Naha na yang ra luki dauki bas.”

1 Korint 14:14

Kan yang bîla sât aihka kum ra puri sunisna kaka, kasak pali spiritki ba lika ai pura sunisa, sakuna kupi lukra ni lika baha wina hilp kumi sin briras.

1 Korint 14:2

Baha uplika bîla sât aihka aisi ba, upla ra lika aisaras kuna Gâd ra mika, kan upla kumi sin witin dîa aisi ba tânka briras. Witin aisi ba Spirit tânka ra, sakuna upla kumi sin baha tânka briras.

1 Korint 16:24

Man nani sut ra Kraist Jisas ra latwanka ba mai blikuna.

2 Korint 1:20

kan Gâd pramiska sut ba Kraist ra aimakisa. Baha mita, yawan bui Gâd ra mayuni ba ra, Jisas Kraist nina bâk “Baku kabia” wisa.

Param Marikanka 22:20

Naha tânka latan aisasara ba mita naku wisa: “Âu, yang aihni aulni.” Baku kabia. ¡Bal, Dawan Jisas!

Param Marikanka 5:14

Diara rayakira walhwal ba naku aisi kan: “¡Baku kabia!” Bara almuk nani 24 ba ai lula krikan bara mayunan.

Param Marikanka 7:12

naku aisi kan: “¡Baku kabia! Mayunra ba, prana ba, sins lâka ba, tingki lâka ba, kulkan lâka ba, karnika ba, bara karna kaia lâka ba sut sin, wan Gâdka ra yan kabia, ban kaia ban kaia ra. ¡Baku kabia!”