1 Korint 14:11 - DAWAN BÎLA AISKA

¹¹ Sakuna upla kum ai bîla aisi ba yang tânka briras sna kaka, uplika ba mapa ra tringsar kum baku kamna, bara pana sin uplika ba, yang maipara witin tringsar baku kabia.

1 Korint 14:11 ပူးပေါင်းရင်းမြစ်များ

Apastil Nani Sturka 28:2

Baha kî dakura ra iwi uplika nani mita yamni wan munan. Pauta tara mukan, lî auhi kan bara kauhla ba dukiara sin, bara yang nani sut ra ai paiwan pauta mukan ba lamara wih ailahki banhwamna.

Apastil Nani Sturka 28:4

Baha kî dakura uplika nani kaikan, Pal mihta ra piuta ba aipami kan, bara pana pana aisi kan: “Naha waitna na upla âikra kan baku sa, kan witin kabu wina swakwan, sakuna Gâd mita lâ wapni kat dauki ba mita sip swika kau raya taukbia apia.”

Roman 1:14

Baha ba yang bui upla sut ra daukaia sna, sins lâka bri nani ra bara sins lâka aitani briras nani ra, diara tânka bri nani ra bara diara tânka briras nani ra sin;

1 Korint 14:10

Latan sa naha tasba ra bîla sât ailal nâra sa, bara kasak pali sut ba ai tânka brisa.

1 Korint 14:21

Lâ wauhkataya ra naku ulban sa: “Naha nisanka ra bîla aihka nani upla tringsar nani bîla bâk sin aisamna, sakuna baku kabia sin bîli walbia apia, Dawan baku wisa.”

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.