1 Korint 14:1 - DAWAN BÎLA AISKA

¹ Bamna man nani trai kaiki bas latwan lâka ba bri kaia, bara Gâd mita spirit sinska lâka nani maikbia dukiara sin karna pali pliki banhwi bas, kau pali witin wina sturi nani brih aisaia ba.

1 Korint 14:1 ပူးပေါင်းရင်းမြစ်များ

Sins Lâka 15:9

Upla watawikira daukanka ba, Dawan mita saura pali kaikisa, sakuna witin kasak lâka ra iwi uplika ra, witin latwan kaikisa.

Sins Lâka 21:21

Ya kasakka lâka bara kupia pihni lâka wal nina bliki ba, rayaka wih pain kulkan lâka saki bribia.

Aiseya 51:1

“Yang ra wals, man nani kasakka lâka ra iwaia nina bliki nani sma ba, bara yang ra ai plikisma ba —Dawan aisisa—. Man nani baha walpaya ra kaiks, baha wina man nani mai klaki sakan ba, bara kaiks baha walpaya sakaika ba, baha wina man nani mai daiki sakan ba;

Roman 12:6

Gâd prisant sât sât wankan sa, witin bui upla bani ra dîa yabaia want kan ba kat. Bamna baha prisantka nani wankan ba pain yus munaia sa. Gâd bui ai sturka yamni dahra aisaia warkka wankan sa kaka, yawan kasak luki ba tânka kat aisaia daukan sa.

Roman 14:19

Baku bamna, kupia kumi lâka dauki dukia nani ba nina blîkpi, baha diara nani wal sip ba, wan walka wal pana pana hilp munaia spirit lâka mapara pâwaia dukiara.

Roman 9:30

¿Bamna yawan naha dukiara dîa wibia? Kan kasak lukan lâka bâk Gâd mita idan nani ra param mariki pâtka wina pri sakan lâka ba yan, witin nani lika baha pri sakaia lâka ba plikras kan.

1 Korint 12:1

Muihki nani, yang want sna Spirit prisantka, upla bani ra sins tânka yabi ba baha nani kakaira kama.

1 Korint 12:31

Baku bamna, trai kaiki bas kau sins pain nani ba Gâd wina briaia. Sakuna yang mita kau yabal pain kum mamrikamni.

1 Korint 13:13

Diara yumhpa ban kaia ra bâra sa: kasak lukan lâka ba, wan kainara diara bîla kaikaia lâka ba, bara latwan lâka ba sin; sakuna yumhpika wina kau tara ba lika, latwan lâka.

1 Korint 13:2

Gâd aikan bîla dahra nani ba aisaia sip kamna kra, dahra prakan tânka nani ba sut kakaira kamna kra, sins lâka sât sât bri kamna kra, il nani ba ai pliska wina kitbi sakaia kasak lukan lâka aitani kat bri kamna kra, sakuna latwan lâka âpu sna kaka, yang lika bahki sni.

1 Korint 14:22

Baku bamna, bîla sât aihka nani aisaia sinska ba lalukra apia nani mapa ra sain kum sa, lalukra nani mapa ra lika apia. Sakuna Gâd wina sturi nani brih aisaia sinska ba lalukra nani mapa ra sain kum sa, lukras nani ra lika apia.

1 Korint 14:37

Upla kum Gâd wina sturi nani brih aisaia sinska aitani brisa lukisa, apia kaka Spirit mita ingnika yaban ai dara walisa kaka, aitani luki kulkaia sa, dîa man nani ra ulbisna na Dawan lâka bîla sa.

1 Korint 14:39

Baku bamna, muihki nani, trai kaiki bas Gâd wina sturi nani brih aisaia sip kaia, bara bîla sât aihka nani ra aisaia ba sin man nani takaski banhpara;

1 Korint 16:14

Dîa dîa dauki kama ba, latwan lâka wal dauki bas.

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

1 Tesalonaika 5:20

Gâd mita ingni yan mita sturi pain aisi banhwi ba, bahki kulkpara.

1 Timoti 4:14

Serts almukka nani, Gâd mita witin nani ra ingnika yaban bâk, man puramra ai mihta nani kahbi sins maikan ba, ban alki bri bas.

1 Timoti 5:10

Witin nani diara yamni nani daukan ba mita, upla nani bui kakaira kaia sa: ai luhpia nani pain pakan kaka, ai watla ra upla nani wan ba aikuki pain kan kaka, kristian nani mina nani sikban kaka, trabil bri nani ra hilp munan sa, apia kaka wark yamni wala nani daukan sa kaka sin.

1 Timoti 6:11

Sakuna man, Gâd uplika sma ba, naha dukia nani sut wina sîa bri plaps. Kasakka lâka ba nina blîks, Gâd ra luki kaia lâka ba, kasak lukan lâka, latwan lâka, ban bapi buaia lâka, bara wan kupia swapni bri kaia lâka ba sin.

2 Timoti 2:22

Baku bamna, wahma nani brinka karna ba wina tnaya ra taws, bara kasakka lâka nina blîks, kasak lukan lâka, latwan lâka bara kupia kumi lâka ba sin, baha nani ai kupia klin brih, Dawan ra hilp makabi wini nani ba sut aikuki.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

2 Pita 1:7

kasak kulkan lâka ra, pana pana muihkam nani wal latwan kaiks ba; bara pana pana latwan kaikaia ra, latwan lâka pali aihwa ba.

3 Jan 1:11

Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.

1 Samuil 10:5

Baha ningkara Guibeá Gâd dukia ba ra wama, bahara filisteo aiklaklabra nani bâra ba sin kaiki luma. Bara tawan ba dimaia lamara wama ba ra, prapit nani dakni kum sakripais daukaia watla wina aula spirit diman ba wal prawma. Witin nani aula ba kainara upla nani arp kangbi, drum pruki, plut puhbi bara gitar puli kabia.