1 Korint 13:7 - DAWAN BÎLA AISKA

⁷ Diara sut ba twilkisa. Diara sut ba kasak lukisa. Diara sut ba ai kainara bîla kaikisa. Diara sut mapara ban bapi buisa.

1 Korint 13:7 ပူးပေါင်းရင်းမြစ်များ

Blasi Sturka 29:20

Bara baku Jekob 7 mani Labán warkka taki kan. Sakuna witin Raquel ra latwan pali kaiki kan ba mita 7 mani ba, wik kumi baku, piua prahni lui wan ai mapara.

Job 13:15

Ban kra witin bui ai ikbia sin, ban sakuna wapni kaia sna, witin mawan kat bûi raitki brisna ba aisaia sna.

Lawana Nani 119:66

Ai smalks lâ yamni ba dadaukra kaia, bara diara tânka sin briaia, kan man lâmka nani ba ra kasak lukisni.

Sins Lâka 10:12

Misbara lâka ba unsaban lâka nani bukisa, sakuna latwan lâka lika, lâ sauhkanka nani ra pura praki bikisa.

Matiu 10:22

Upla sut mita yang tâiwan misbara mai kaikbia, sakuna ya ya tnata kat ban bapi bubia ba, baha lika swaki sakan kabia.

Mark 9:23

Jisas bila: —Sip sna, man kasak lukisma kaka. ¡Kasak luki ba mapa ra, diara sut ba sip sa!

Roman 15:1

Bamna yawan kasak lukan lâka ra karna banhwi ba mita swapnikira nani swapnika ba wan karbanka pali baku brih twilki kaia sa, bara yawan wan kupia lâka baman lika luki kaia apia sa.

Roman 8:24

Kan wan kanra bîla kaikaia lâka playka ba mita sika swaki wan sakan sa; kuna upla kumi dîa bîla kaiki kan ba pat kaikisa kaka, baha lika diara bîla kaikisa tânka apia sa. Bamna upla kumi diara kaikaia kan ba pat kaikisa kaka, kau diara wala bîla kaikaia ba âpu sa.

1 Korint 13:4

Latwan lâka bri uplika ba, wihka bîla kaikisa; upla yamnikira sa bara tatumra lika apia; aimayunras sa bara kakalra sin apia.

1 Korint 9:12

¿Upla wala nani mita man nani puramra naku aimakaia sip sa kaka, yang nani kau lâ brisna apia? Baha raitka yang nani brisna ba, baku daukras. Sakuna, naha sut ban twilki banhwisna, Kraist sturka yamni aisi smalkanka ba yabalka prakaia apia dukiara.

Galesha 6:2

Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.

Kli Smalkanka 1:9

“Baha pali piua ra yang bui man nani ra mai wîri: ‘Yang yakan sip apia sni, man nani sut wirhikam ba twilki kaia.

Kli Smalkanka 22:27

kan tiara ba insla ra yakan kan wal prawan, bara witin wini kisban kaka, upla wali bal dakbi sakaia apia kan ba mita.

2 Tesalonaika 1:4

Baha dukiara sika yang nani lika man nani dukiamra wan kupia pah aisisa Gâd sertska nani tilara; rausauhkan nani sut tilara, sari wahwi pât brisma tilara sin ban bapi buisma, kasak sin lukisma ba dukiara.

2 Timoti 2:24

Dawan napakanka kum lika unsabaia apia sa. Witin lika upla sut aikuki pain kaia sa. Witin ba upla smalkaia mapa ra pain kaia sa; bîla kaikanka bri kaia sa,

2 Timoti 3:11

nini bliki rau ai sauhkan ba bara pât wauhri ba sin. Man pain kaikisma diara nani yang ra takan ba Antíoco tawanka ra, Iconio ra bara Listra ra sin, bara rausauhkanka tara nani wauhri ba sin; sakuna Dawan baha sut wina dakbi ai sakan.

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

Hibru Nani 13:13

Baku bamna, yawan kiamp lata tani ra taki Jisas ra wap, bara witin ra bahki kulkan ba sin wal aikuki twilkpi.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 4:8

Diara sut purkara, pana pana uplikam ra latwan kaiki bas, kan latwan lâka ba mita saurka ailal ban swih tikisa bamna.