1 Korint 13:4 - DAWAN BÎLA AISKA

⁴ Latwan lâka bri uplika ba, wihka bîla kaikisa; upla yamnikira sa bara tatumra lika apia; aimayunras sa bara kakalra sin apia.

1 Korint 13:4 ပူးပေါင်းရင်းမြစ်များ

Blasi Sturka 30:1

Raquel kaikan witin sip Jekob luhpia baikras kan, bara ai muihni Lea ra tuman lâka brin bara Jekob ra aisi kan: —Yang ra sin luhpi nani aik, apia kaka pruamna.

Blasi Sturka 37:11

Bara ai muihni nani lika witin ra tumi kan, sakuna ai aisika lika, baha tânka kaiki aisin ba dukiara uya luki kaiki kan.

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Lawana Nani 10:5

Witin diara dauki ba, piua bani pain man takisa. Witin ai lukanka ra, man lâmka nani ba laihura sa, witin kaiki ba wina kau laihura sa. Ai waihla nani ba lawaska kikisa.

Sins Lâka 10:12

Misbara lâka ba unsaban lâka nani bukisa, sakuna latwan lâka lika, lâ sauhkanka nani ra pura praki bikisa.

Sins Lâka 13:10

Praut lâka bri ba wina lika unsaban baman sâkbia, kuna sins lâka ba lika, bawan lâka bri uplika nani ba wal sa.

Sins Lâka 17:14

Awala lisamra dingkan ba sika unsaban ba tâ krikisa; kau yamni sa mahka waia wihki, kau blahwi saura daukaia ba wal.

Sins Lâka 17:9

Lâ sauhkanka ban swih tiki uplika ba, latwan lâka paskisa; kuna dahra kli kli saki ba lika, ai libraka aihka dakbi sakisa.

Sins Lâka 19:22

Kupia pihni upla ra umpira kaikan lâka ba, upla nani bui ai âuyapah kulkisa; upla umpira kunin aisaras ba, kanra yamni sa, upla kuninkira ba wal.

Sins Lâka 31:20

Upla umpira ra bara diara luha uplika ra sin witin yu bani diara yabisa.

Sins Lâka 31:26

Diara tânka kaikaia lâka bîla nani aisisa, ai smalkanka ba sin latwan lâka bîla nani wal smalkisa.

Smasmalkra 10:4

Wihta aimaki ba man wal ai kupia baikbia sa kaka, man kupiam sauhkpara; upla nani swakwanka tara ba saika sika, diara nani ba tânkira daukaia ba.

Matiu 27:18

Kan Pailat kaikan Jisas ra tuman brih banhwi kan ba mita sika ai mihta ra mangkan ba.

Apastil Nani Sturka 7:9

“Bara Jekob luhpia nani wan damika nani kan ba mita ai muihni Josep ra tuman, ban sin witin ba atkan Idsip kat brih waia, kuna Gâd lika Josep wal ban kan.

Roman 1:29

Rausauhkan lâka sâtka nani sut ba ni banhwan sa lâ saura nani, gridi lâka bara lukanka saura, tuman lâka bri nani, upla âikra, unsasabra, kunin mamunra nani, saura dadaukra, bara upla nina aisasara.

Roman 13:13

Kakna ra wataukaia ba baku, painkira wataukpi. Yawan bla takbiara, bin dauki plun papira kabiara, tâski lâka daukbiara, lâkas tara baku taukbiara, unsabaia bara misbara lâka sin bribiara.

1 Korint 3:3

man nani ba naha tasba uplika nani baku, kau ban raya iwisma ba mita! Man nani tilamra tuman lâka bâra sa, bara pana pana walkam nani aikuki sin unsabi dakwi takisma kaka, tasba uplika nani sma, bara upla sut dauki dukia nani ba kau daukisma.

1 Korint 4:18

Man nani wina tila ba tara takan ai dahra walisa bara yang na man nani bal mai kaikamna apia luki;

1 Korint 4:6

Muihki nani, man nani painkam dukiara naha dukia sut na mai wisna, Apolos wih yang wal praki. Yang nani daukri ba baku daukma wisi naha na aisisna, bara baku mika lan taki kama diara nani ulban ba, pura lui kau kainamra waia apia. Man nani wina kumi sin upla kumi tâwan aimayuni bara wala ra bahki kulkaia lika apia sa.

1 Korint 5:2

¡Baku kan, man nani lika yamni daukram luki banhwisma! ¡Kau ni sari pali banhwi kaia kapram! Ani waitna nahmuna dukia daukan ba, man nani tilam wina kangbi sakan kaia sa.

1 Korint 8:1

Bara nanara, aidul nani ra sakripais dauki yan pata ba tânka aisisni. Kasak sa baha aisi ba: yawan sut tânka brisa; baha tânka kaikaia lâka ba wan munisa yawan na tara sa, sakuna latwan lâka mita lika spirit tani wankan pâwisa.

2 Korint 12:20

Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.

2 Korint 6:6

Yang nani rayaki klin ba wal sin latan marikisna, diara kasak ba tânka kaikaia lâka ra, wan kupia takaskaia lâka bara umpira kaikan lâka ra, Spirit Holikira yang nani tani ra ba mita, wan latwanka lâka kunin âpu kira ba mita sin,

Galesha 5:26

Bamna yawan prautkira kabiara, upla kupia tatuskra kabiara, tuman lâka sin aikuki wan tilara bribiara.

Epesus 4:2

Man nani ba praut âpu bara bawikira bas; wihka sin bîla kaiki kama, pana pana walkam ra latwan lâka ba mariki kama.

Epesus 4:32

Sakuna, sut aikuki pain banhwi bas, pana pana kupiam swapni bri bas, bara pana pana walkam pâtka swih tiki bas, Gâd bui Kraist ra mai praki pâtkam swih tikan ba baku.

Pilipai 1:15

Tila nani tuman lâka brih, pana pana unsabi Kraist tânka smalki banhwisa, sakuna wala nani lika yamni luki smalkisa.

Kolosi 1:11

Yang nani Gâd ra makabisna, witin ai karnika pranakira ba ni man nani sut karnakira mai sâkbia, baku mika diara sut ra liliakira bapi bûi, wihka sin bîla kaiki kama.

Kolosi 2:18

Swirka pât ra mai lakbiara baha nani bawikira lâka bri baku, insal nani ra mayuni ba; yarka prisantkam mihtam wina mai dakbi bribiara. Witin nani lika ai nakra ni kaikras dukia ba ra dimi auya, bara ai lukanka ni praut taki puskisa upla lukra ni.

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

1 Tesalonaika 5:14

Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

1 Timoti 6:4

witin ba prautkira sa, bara diara tânka briras. Witin ba bîla nani dukiara baman aisi blahwaia sikniska alkisa; bara naha wina sika tuman lâka, unsaban nani, upla ra saura wiaia lâka, upla bara diara kumi ra sin sip kasak lukras kaia lâka taki ba;

2 Timoti 2:25

bara witin mapara nani ba ra, kupia swapni brih wapni daukbia. Baku ban kra Gâd mita baha nani ra yaka ai kupia lakbia, bara kasak tânka ba kakaira taki banhbia.

2 Timoti 3:10

Sakuna man lika yang smalkanki nani ba pain nina blikram sa, nahki yang iwi kapri ba, yang dîa daukaia want kapri ba sin; man ba yang kasak lukanki lâka ba pain alki briram, wihka bîla kaikisna lâka ba, latwanki lâka ba, bara ban bapi bûi kaia lâka ba sin,

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Jems 4:5

Diara bâra ba mita Ulbanka ra wisa: “Gâd mita baha Spiritka wan tilara yan iwi ba ra, tâwan lawi latwan pali kaikisa.”

1 Pita 2:1

Baha mita man nani saurka ba sut mahka swis; kunin lâka kli daukaia apia, kunin daukanka nani mahka swiaia, tuman lâka bara nina sauhki aisanka sâtka nani sut sin.

1 Pita 3:8

Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.

1 Pita 4:8

Diara sut purkara, pana pana uplikam ra latwan kaiki bas, kan latwan lâka ba mita saurka ailal ban swih tikisa bamna.

2 Pita 1:7

kasak kulkan lâka ra, pana pana muihkam nani wal latwan kaiks ba; bara pana pana latwan kaikaia ra, latwan lâka pali aihwa ba.

1 Jan 4:11

Muihki laitwankira nani, Gâd mita baku latwan wan kaikan kaka, yawan sin pana pana wan walka ra latwan kaikaia sa.