1 Korint 13:12 - DAWAN BÎLA AISKA

¹² Baha sim natka ra, nanara yawan diara nani kaiki ba lukinglas ra baku sa, lilka tihmu baku; sakuna baha piua ra lika, yawan latan pali kaikbia. Nanara lika yang wiria baman kaikisna, sakuna baha piua ra lika aiska pali kakaira kamna, Gâd mita yang ra kakaira ba baku.

1 Korint 13:12 ပူးပေါင်းရင်းမြစ်များ

Blasi Sturka 32:30

Bara Jekob baha tasbaya nina ba Penuel mâkan. Witin win: “Yang lika Gâd mawan ba laima kat kaikri, ban sakuna, yang kan pruras kau raya sna.”

Job 19:26

Taiya na pîs pîs ra kauhbia kra, yang pali silp Gâd ra kaikamni,

Job 36:26

Gâd tara ba tânka yawan sip aiska kaikbia apia, witin manka nani sin sip kulkbia apia.

Impakan Sturka 33:11

Bara Dawan lika Moses wal ai mawan kat kaiki baku, sim upla kum ai pânika wal prawi aisi ba baku aisin kan, bara ningkara Moses kli upla nani ra bali kan. Sakuna ai hilpika wahma Jasua, Nun luhpia ba lika, Dawan wal aisaia watla ba wina takras kata.

Isikiel 17:2

“Man upla luhpia, Israel luhpia ra prakanka bîla kum wal aisas,

Kulki Kaikanka 12:8

Witin kat kaiki wal aisisna param pali, diara lilka bâk lika apia. Bamna witin Dawan tânka pali kaikisa kaka, ¿dîa muni man nani sibrin âpu pali yang naipakan Moses mapara saura aisi banhram ba?”

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 5:8

“Lilia pali sa baha nani ai kupia tâski âpu bri nani ba, kan witin nani Gâd kaikbia bamna.

Roman 8:18

Bamna yang lukisna, pât nani nanara wahwi na, sip apia pali sa baha prana yawan naika kaikaia ba wal prakaia.

1 Korint 13:11

Yang tuktan kapri piua, tuktan baku aisi katna, tuktan baku daira wali katna, bara tuktan baku sin luki katna; sakuna almuk takri na ra, tuktan lâka nani ba mahka swiri.

1 Korint 8:3

Sakuna ani uplika Gâd ra latwan kaiki ba, Gâd mita witin ra kaikisa.

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

2 Korint 5:7

bamna yang nani lika kasak lukan lâka mita taukisna, wan nakra ni kaiki ba mita lika apia.

Pilipai 3:12

Yang pat naha diara ba sut briri lika wiras, bara yang na pat kasak aihwa sna sin wiras; sakuna yang ban tâiura auni baha ba briaia trai kaiki, baha ba Kraist Jisas yang ra pas ai alkan ba.

Jems 1:23

Bamna ya sturka yamni ba wali, sakuna bîla wali daukras kaka, witin lika upla kum ai mawan kaikaia glaska ra ai mawan kaiki ba baku sa.

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

Param Marikanka 22:4

Witin nani pana pana ai mawan kaikbia, bara witin nina ba ai lal purara ulban kabia.