1 Korint 12:11 - DAWAN BÎLA AISKA

¹¹ Sakuna naha dukia sut lika ai karnika wal daukisa, sim Spiritka kumi baman ba mita; witin mita sika upla bani ra sinska sât sât yabi ba, nahki witin want ba kat.

1 Korint 12:11 ပူးပေါင်းရင်းမြစ်များ

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Matiu 11:26

Âu, Aisa, kan man baku want kapram.

Matiu 20:15

¿Yang lalahki ba wal dîa want sna ba kat daukaia sip apia sna ki? ¿Apia kaka, yang kupi pain ba mita man tumisma ki?’

Jan 3:27

Bamna Jan bila: —Upla sip diara kumi sin briras, Gâd mita yaras sa kaka.

Jan 3:8

Pâsa ba krawisa, witin ani tani wina krawan dauki ba ra; ai binka ba walisma, sakuna kaikras sma ani tani wina aula sapa bara ani tani ra auya sapa. Baku sa ani uplika Spirit wina aisubi taki ba.

Jan 5:21

Bamna Aisa mita pruan nani ba buki kli rayaka yabi ba baku, Luhpia mita sin witin yaura raya kaia lâka yan dauki ba yabisa.

Roman 12:6

Gâd prisant sât sât wankan sa, witin bui upla bani ra dîa yabaia want kan ba kat. Bamna baha prisantka nani wankan ba pain yus munaia sa. Gâd bui ai sturka yamni dahra aisaia warkka wankan sa kaka, yawan kasak luki ba tânka kat aisaia daukan sa.

Roman 9:18

Baku bamna, yaura Gâd mita yamni kaikaia lukuya ba, witin mita yamni kaikisa, bara ya kupia karna daukaia lukuya ba, witin mita kupia karna daukisa.

1 Korint 12:18

Sakuna Gâd mita wîna tara sirpika bani ba ani pliska witin want kan ba kat mangkan sa.

1 Korint 12:4

Upla kum sip sa prisantka sât sât ba briaia, ban sakuna sut yabi ba lika sim Spiritka.

1 Korint 12:6

Diara nani karnika sât sât bâra sa, sakuna sim Gâdka mita sika baha dauki ba upla sut ra.

1 Korint 7:17

Nahki kabia kra, kumi bani Dawan dîa yaban ba kat iwi kaia sa, bara Gâd mita paiwan bara witin nahki kan ba kat. Serts nani sut ra yang naku adar yabisna.

1 Korint 7:7

Yang pali na want kaina upla sut ba, yang wal baku kabia; sakuna Gâd mita upla bani ra sinska sât sât yaban sa, upla tila nani ra naku, wala nani ra lika baku.

2 Korint 10:13

Diara nani yang nani duki apia ba dukiara sip apia sna maiyunaia. Gâd mita sika anira yang nani wark takaia pliska ba ai marikisa, bamna witin mita wan marikan yang nani na man nani Korint nani kat waia.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Epesus 4:7

Sakuna yawan kumi bani ra prisant painkira wankan sa, Kraist mita wankan ba kat.

Hibru Nani 2:4

Bara Gâd sin baha dukiara witnis aisin sa, sain nani dauki, diara aihkakira nani ni bara sain aihkakira ailal daukan ba mita sin. Witin mita sin Spirit Holikira prisantka nani ba yawan ra sât sât yuan sa, witin ai kupia lâka ba kat.

Jems 1:18

Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.