1 Korint 11:17 - DAWAN BÎLA AISKA

¹⁷ Ban sakuna, naha smalkanka nani mai ulbisna na, yang bui man nani ra sip mamyunras sni; kan man nani asla aidrubankam daukisma ba saura mai munisa, pain mai munaia ba watlika ra.

1 Korint 11:17 ပူးပေါင်းရင်းမြစ်များ

Sins Lâka 27:5

Param ra kupia kraukaia ba kanra yamni sa, yukuwi ra latwan kaikaia ba wal.

Libait Lâka 19:17

“Muihkam mapara kupiam ra saura luki kapara. “Lawi dauks uplikam ra, lawi daukaia aitani sa kaka. Sakuna witin saura dauki ba tilara kapara.

Roman 13:3

Kan tasba wihtka nani ba diara pain dauki uplika nani ra saura munaia mangkras sa, sakuna saura dauki nani ra lika. ¿Bamna man ba tasba wihtka nani sibrinka âpu iwi kaia mai daukisa ki? Pain bas, bara tasba wihtka nani ba mita pât ra mai dingkbia apia.

1 Korint 11:2

Muihki nani, man nani ra mamyunisni, piu bani yang ra kupiam krauki banhwisma ba mita, bara smalkanka nani maikatna ba kat alki banhwisma.

1 Korint 11:20

Man nani asla aikuki aidrubisma ba ra, Dawan pata pali ba lika piras sma.

1 Korint 11:22

¿Man nani wamtla nani âpu ki, bahara plun piaia bara diara diaia? Naku dauki banhwisma ba ra, Gâd sertska ba bahki kulkisma, bara diara âpu uplika nani ra swira daukisma. ¿Naha dukiara dîa mai wimna bîla kaiki banhwisma? ¿Man nani ra mamyunaia sna ki? ¡Naha dukiara lika yang sip mamyunras sni!

1 Korint 11:34

Bara ani uplika plun pin daukisa kaka, baha ai watla ra piaia sa; bara baku mika man nani asla aidrubisma tânkam ba, Gâd mita klala maikbia apia. Diara wala nani ba lika, yang bui man nani ra mai kaikamna ba ra, wapnika mangkamna.

1 Korint 14:23

Bamna, serts uplika aiska ba asla takan ba ra, kumi bani bîla sât aihka aisisa kaka, bara lan âpu uplika tila nani lalukra apia nani bal dimuya kaka, ¿aisi banhbia apia ki man nani ba lamla saura takan sa?

1 Korint 14:26

Bamna, muihki nani, tânka na naku sa: Asla takisma ba ra upla kum ba Lawana Nani Pura Sunra nani ba brisa, wala ba smalkanka nani, wala ba Gâd wina diara kum param saki marikan ba, wala ba bîla tringsar nani ra sturi yamni kum, bara wala lika aisi smalkan nani na tânka param aisaia. Âu, diara bani ra serts uplika nani ba, spirit mapa ra yaka pâwaia dukiara kaia sa.

Hibru Nani 10:25

Yawan asla aidrubi lâka dauki ba swiaia apia sa, upla tila nani dauki ba baku. Baku daukaia watlika ra, yawan pana pana wan walka nani aikuki wan tâ baikaia sa, bara kau pali nanara Dawan yua ba pat baila kan kaiki ba.

1 Pita 2:14

witinka mita sin wihta tara nani ba lâ sasauhkra nani ra klala yabia bara yamni dadaukra nani ra prana yabia wisi bliki ba.