1 Korint 10:29 - DAWAN BÎLA AISKA

²⁹ Yang aisisna na lika man lukankam dukiara lika apia, sakuna uplika ba lukanka dukiara. Sakuna upla kum makabi walaia sip sa: “¿Dîa kan yang pri lâika ba, upla wala kupia dahra walras, lâka aisi daukaia sa ki?

1 Korint 10:29 ပူးပေါင်းရင်းမြစ်များ

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

1 Korint 10:32

Upla kumi ra sin trabil munpara: Ju nani sapa, Ju apia nani sapa, Gâd sertska uplika nani sapa sin.

1 Korint 9:1

¿Yang na pri sna apia? ¿Yang na apastil sna apia? ¿Yang na Jisas wan Dawan ba kaikri apia? ¿Yang Dawan wal wark takri mâ nani ba man nani apia?

1 Korint 9:19

Upla kumi sin albika apia sna sakuna, upla sut albika takri sa, upla kau ailal Kraist ra bri balaia dukiara.

2 Korint 8:21

Bamna yang nani brin ai daukisa diara sut ba lâ kat pain daukaia, Dawan mawanra baman apia, sakuna upla nani mawanra sin.

1 Tesalonaika 5:22

Man nani saurka sât sât wina tnaya ra taki banhs.