1 Korint 10:22 - DAWAN BÎLA AISKA

²² ¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?

1 Korint 10:22 ပူးပေါင်းရင်းမြစ်များ

1 King Nani 14:22

Sakuna Roboam Dawan nakra ra saura daukan, kupia sin sauhkan, ai damika nani wal, kau mapara saura daukan.

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Lawana Nani 78:58

Idan altarka paskan ba mita, Dawan kupia sauhkan, aidul nani ra mayuni ba tâwan ai kupia baikan.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 34:14

“Lilka bahki daukan kumi ra sin man nani puram suni mayunpara. Dawan ba ai nina tâwan lalawra pali sa, Gâd ai nina tâwan lalawra sa.

Smasmalkra 6:10

Nanara diara nani bâra ba, kan piua wina nina nani yan sa, bara sin nu sa dîa ba; upla kum ba sip aiklabras sa, witin wal kau karna ba wal.

Aiseya 45:9

Slaubla sumika, sin sumi wala nani ba wal baku sa, ya mita paskan ba mapara slaubla ba sip aisaras: “¿Man dîa daukisma?” Witin mita paskan ba sin sip wiras: “¿Man wark takaia lan âpu?”

Jirimaya 44:8

¿Dîa muni man nani daukankam nani ni swiri daukisma, Idsip ra gâd wala nani ra kîa pain nani angki yabisma, baha tasbaya ra man nani takaski iwaia balram apia? Baha daukanka ba ni munisma man nani ra mai sauhki tikaia lâka ba, nisan nani tilara tasba aiska ra man nani ba lahtuban swiram takan uplika nani kama.

Jirimaya 7:19

Sakuna witin nani bui yang ra kau mini prukaia watlika ra, witin nani kau ai mina prukisa bara klauna kau ai swira daukisa. Yang, Dawan, kasak aisisna.

Isikiel 22:14

Lukpara man sip kama yang maipara buaia, mampara wapnikam daukaia buamna ba ra; yang Dawan, baku wisni bamna daukamna:

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Kli Smalkanka 32:16

Aidul nani sîa briaia kata ba ra mayuni Gâd lawanka ra kupia baiwanka nani ra tuskan;

Kli Smalkanka 32:21

Yang traiki kaikan gâd kum gâd apia ba wal, ai gâdka kuninkira ba yang ra baku kulki ba; ¡bara yang sin traika kaikamni nisan kum nisan apia ba wal, nisan kum ai tânka briras ba yarka ai kupia sauhkbia!

Kli Smalkanka 4:24

kan Dawan Gâd lika lalawra Gâdka sa, pauta ami âpu taki ba baku.

Kli Smalkanka 6:15

Dawan Gâdkam man nani aikuki ba, Gâd kum lalawra sa, man nani mampara ai kupia sauhki, sip sa aiska mai sauhki tikaia.

Hibru Nani 10:31

¡Gâd rayakira ba mihta ra kauhaia lika diara saura pali sa!

Jasua 24:19

Sakuna Jasua bui witin nani ra win: —Man nani sip Dawan warkka daukras, kan witin lika Gâd kum holikira sa, bara ai nina tâwan lalawra sa, ban swibia apia kiamapara nani ra bara man nani saurkam daukisma ba sin.