1 Korint 10:20 - DAWAN BÎLA AISKA

²⁰ Yang aisisna ba lika naku sa: idan nani diara kum sakripais dauki yabuya ba ra, baha ba pirit saura nani ra yabisa, Gâd ra lika apia; bara yang want apia sna man nani pirit saura nani wal asla diara bri kama.

1 Korint 10:20 ပူးပေါင်းရင်းမြစ်များ

2 Kronikas 11:15

Jeroboam ba ai prîska nani mangkan kata, baha ba gâd nani tempelka nani ra, pirit saura ra pura sunaia, bara lilka nani paskan ra sin ai pura sunaia, upla ai mihta wal paskan ba.

Libait Lâka 17:7

Naiwa wina Israel luhpia nani ba kli ai daiwra nani ba, lasa nani ra yabi sakripais daukbia apia, baha nani ra witin nani mayuni ba saura takan uplika nani sa mita. Naha lâka man nani baku dauki ban kama, aisika nani mita luhpiam nani ra sin smalki ban kama.

Matiu 4:9

Bara witin bila: —Lulam kriki bara yang ra mayunma kaka, naha sut yang maikamna.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Galesha 4:8

Kaina piua ra, Gâd kakaira apia katma ba ra, man nani lika gâd apia nani albika nani katma.

Param Marikanka 2:14

Sakuna man mampara diara nani brisna: Pergamum ra Balaam smalkanka nina bliki ba tila nani bâra sa; Balaam mita sika Balac ra smalki win, Israel luhpia nani ra yaka saura daukbia, aidul nani ra sakripais daukan nani ba pih, bara rug lâka sin daukaia.

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.

Param Marikanka 9:20

Bara upla wala nani baha pâtka saura nani mita ikras kan ba, ai kupia lakras, diara saura nani dauki kan ba sin swiras, lasa nani ra ai pura suni mayuni kan ba gul ni, silbar ni, gul ni, walpa ni, dus ni paskan nani ra ai pura suni mayuni kan ba sin swiras, baha nani sip aisaras bara sip kaikras, sip walras, sip sin wapras ba.