1 Korint 10:14 - DAWAN BÎLA AISKA

¹⁴ Baku bamna, muihki laitwankira nani, aidul nani ra puram suni mayunaia ba wina man nani plaps.

1 Korint 10:14 ပူးပေါင်းရင်းမြစ်များ

Apastil Nani Sturka 15:20

Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

Roman 12:19

Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”

1 Korint 10:15

Upla diara tânka bri nani ra baku mai aisisni, bara man nani pali sip sma yang dîa aisisna ba tânka luki kaikaia.

1 Korint 10:19

Yang wiras aidul ba tânka pain brisa, apia kaka aidul ra sakripais dauki yan wîna ba wîna wala nani wal baha ba kau pain sa.

1 Korint 10:7

Baha mita, man nani aidul nani ra puram suni mayunpara, witin nani wina tila nani daukan ba baku, Ulbanka ra wi ba baku: “Upla nani ba plun piaia bara diara diaia iwan, bara baha ningkara dans pulan.”

1 Korint 5:11

Yang wiaia lukri tânka ba lika naha: upla kum wan muihni wisa, sakuna tâski lâka daukisa, gridikira sa, aidul nani ra ai pura suni mayunisa, upla dusa kakuhbra sa, rum dadira sa, âimplikra kaka sin, witin wal taukpara. Bahmuna uplika wal iwi plun sin piaia apia sma.

2 Korint 11:11

¿Dîa muni aisisna ki? ¿Dîa man nani ra want apia sna ba mita? ¡Man nani ra nahki prais want sna ba, Gâd lika pain kaikisa!

2 Korint 12:15

Bamna yang maipa ra wilin pali tikamna dîa brisna ba man nani sulkam dukiara, bara yang pali wîni tara na sin ban tikamna; kaiks, man nani ra kau latwan mai kaikisna ba ra, man nani ba lika kau latwan ai kaikras taki banhwisma.

2 Korint 12:19

Ban kra man nani lukisma yang nani na man nani mamwanra pâtkas sna aisisna. Sakuna baku apia, yang nani Gâd mawanra bûi aisisna, Kraist uplika nani baku. Baha sut ba muihki laitwankira nani, man nani Spirit lâka ra kau pâwaia dukiara aisisna.

2 Korint 6:17

Bamna witin bila sin: “Witin nani lilapaska ba wina dakwi taki bal taks, Dawan bila; diara tâski ba kangbi banhpara. Bâra mika yang mita mai brimna,

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Pilipai 4:1

Baku bamna, muihki laitwankira nani, man nani mai kaikan pali ai daukisa; man nani sika lilia ai daukisma ba, bara yang prisantki sin. Laitwankira nani, man nani baku ban Dawan ra rayakam ba bapi bûi bas.

Pilimon 1:1

Yang Pal, Kraist Jisas tâwan silak ra ai brisa, bara naha wauhkataya na, yang wan muihni Timoti wal wina upliki Pilimon ra mai ulbi banhwisna, wan uplika latwankira aikuki wark daukri ba.

Hibru Nani 6:9

Sakuna muihki laitwankira nani, yang nani baku aisi kamna sakuna, man nani dukiamra lika diara pain pali lukisna. Yang nani kaikisna, man nani ba kau yamni pain nani swaki sakan lâka wal aula ba brisma.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

1 Jan 5:21

Luhpi lupia nani, gâd kuninkira nani ba aman kaiki bas.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.

Param Marikanka 2:14

Sakuna man mampara diara nani brisna: Pergamum ra Balaam smalkanka nina bliki ba tila nani bâra sa; Balaam mita sika Balac ra smalki win, Israel luhpia nani ra yaka saura daukbia, aidul nani ra sakripais daukan nani ba pih, bara rug lâka sin daukaia.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.