1 Korint 1:31 - DAWAN BÎLA AISKA

³¹ Baku bamna, Ulbanka ra wi ba baku: “Ani uplika aimayunan daukisa kaka, Dawan mita daukan ba dukiara aimayunaia sa.”

1 Korint 1:31 ပူးပေါင်းရင်းမြစ်များ

1 Kronikas 16:10

“Ai nina sunu bara pranakira ba dukiara liliam bas. ¡Dawan pliki uplika nani sma ba, kupiam liliam bas!

1 Kronikas 16:35

Witin ra wi banhs: ¡Dawan swaki wan sasakra sma ba, swaki wan sâks! ¡Kiamka wala tila ba wina wahbi wan sâks, baku mika ninam sunukira ra mayuni banhwamna, liliakira sin mamyuni banhwamna!

Lawana Nani 105:3

Witin ai nina holikira ba dukiara, man ba tara sma luks. ¡Kupiam ra lilia damra wals, Dawan pliki uplika nani sma ba!

Lawana Nani 34:2

Yang lika Dawan bâra ba dukiara tara lukisna, bawikira nani naha wali lilia taks.

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Roman 4:2

Ebraham wark daukan ba tâka wina Gâd mita kasakkira kulkan sa kaka, witin baman sa lukaia, kuna Gâd mawanra lika apia.

1 Korint 4:6

Muihki nani, man nani painkam dukiara naha dukia sut na mai wisna, Apolos wih yang wal praki. Yang nani daukri ba baku daukma wisi naha na aisisna, bara baku mika lan taki kama diara nani ulban ba, pura lui kau kainamra waia apia. Man nani wina kumi sin upla kumi tâwan aimayuni bara wala ra bahki kulkaia lika apia sa.

2 Korint 10:17

Upla kumi aimayunan daukisa kaka, witin Dawan dukiara lika aimayunaia sa.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.