1 Korint 1:17 - DAWAN BÎLA AISKA

¹⁷ Kraist upla tahbi daukaia ai blikras. Witin ai blikan ba lika, sturi yamni ba aisi smalkamna dukiara, sakuna sinskira nani bîla nani aisi ba baku lika apia, kan baku daukamna kaka, Kraist dus prihni ra pruan karnika ba tânka âpu baku kabia.

1 Korint 1:17 ပူးပေါင်းရင်းမြစ်များ

Jan 4:1

Parisi nani walan nahki Jisas kau nina blablikra nani ailal bri kan, Jan ba wal, bara kau upla manis sin tahbi dauki kan ba,

Jan 4:2

(sakuna Jisas pali mita tahbi daukras, ai disaipilka nani mita lika.)

Apastil Nani Sturka 10:48

Bara adar yan, baha nani ba Jisas Kraist nina ra tahbi daukaia. Baha ningkara, Pita ra makaban yu wiria pan witin nani wal takaskaia.

1 Korint 2:1

Sakuna muihki nani, man nani ra Gâd kasakka tânka yukukan ba aisi mai smalkaia balatna ba ra, bîla tihu nani bara sins tara ni sin baha ba aisaras katna.

1 Korint 2:13

Baku bamna, Gâd Spiritka yang nani ra ai smalkan bîla nani ni naha dukia nani aisisna, sinski lâka wina lan takri bîla nani wal lika apia. Bara baku, spirit dukia nani ba, witinka nani Spirit bri banhwi ba ra, tânka pain wi banhwisna.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 10:10

Upla nani wisa, yang wauhkitaya nani ba lika wirha bara karna pali sa, kuna wîni tara mapa ra wîk bara bîlas baku sturi sip pain aisaras sna.

2 Korint 11:6

Bamna yang na aisaia mapa ra bîlas kum baku sna kuna, yang sinski tânka ba lika baku apia sa; bara naha na yang nani mita man nani ra latan mamrikri piua bani diara sut ra.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

2 Pita 1:16

Bamna wan Dawan Jisas Kraist karnika bara witin kli balaia dukiara man nani ra mai smalkri ba lika, yang nani âiya wina sturi saki paski mai smalkras, kan Dawan ba tara sa tânka yang nani naikra pali ni kaikri.