1 Korint 1:14 - DAWAN BÎLA AISKA

¹⁴ Yang bui Gâd ra tingki wisna, man nani wina kumi ra sin tahbi mai daukras kapri ba mita, Crispo bara Gayo wal baman lika.

1 Korint 1:14 ပူးပေါင်းရင်းမြစ်များ

Apastil Nani Sturka 10:48

Bara adar yan, baha nani ba Jisas Kraist nina ra tahbi daukaia. Baha ningkara, Pita ra makaban yu wiria pan witin nani wal takaskaia.

Apastil Nani Sturka 18:8

Bara Crispo, Ju nani priaska watla wihtka ba, ai watla uplika sut aikuki Dawan ra kasak lukan. Korint uplika nani ailal pali sin Dawan sturka walan, bara kasak lukan ba sut tahbi daukan.

Roman 16:23

Gayo sin ai lakula blikisa, witinka mita ai watla ra dingki ai brisa, bara serts uplika wala nani ra sim baku daukisa. Erasto, witinka naha tawanka lalahka main kaiki ba mita sin ai lakula blikisa, wan muihni Cuarto mita sin.

1 Korint 1:15

Baku bamna, upla kumi sin sip aisabia apia, witin ba yang nini ra tahbi daukan.

1 Korint 1:4

Piu bani man nani dukiamra Gâd ra tingki wisna, Kraist Jisas bâk man nani ra, witin ai kupia yamni lâka maikan ba.

1 Korint 14:18

Yang bui Gâd ra tingki wisna, man nani sut purkamra bîla sât aihka aisaia sip sna ba dukiara;

2 Korint 2:14

¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa.

Epesus 5:20

Piua bani diara sut dukiara, Gâd Aisa ra tingki wi bas, wan Dawan Jisas Kraist nina ra.

Kolosi 3:15

Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

1 Tesalonaika 5:18

Diara sut dukiara Gâd ra tingki wi bas, kan naha sika Gâd mita man nani wina want ba, Kraist Jisas ra kasak lukisma bamna.

1 Timoti 1:12

Wan Dawan Jisas Kraist ra yang tingki wisni, witinka mita warkki na daukamna wisi karnika aikan. Witin ra tingki wisna yang ra kasak ai kulkan bamna, bara ai warkka daukamna wisi ai mangkan bamna.

Pilimon 1:4

Muihki Pilimon ra puri sunisna bani, man dukiamra yang Gâdki ra tingki wisni,