1 Jan 3:22 - DAWAN BÎLA AISKA

²² bara dîa dîa witin ra makabia ba wankbia, kan yawan ai lâka bîla ba wali daukisa, bara witin dîa pain kaiki ba sin daukisa.

1 Jan 3:22 ပူးပေါင်းရင်းမြစ်များ

Job 22:26

Witin ba man liliakam kabia, bara sip kama kasak luki aman pali kaiki kaia.

Lawana Nani 10:17

Dawan, praut âpu nani makabanka ba, man walisma. Man bui witin nani ba tâ baikisma, kiamam mangki walisma.

Lawana Nani 34:4

Yang Dawan ra plikri, bara witin bui yang ra ai walan, bara pana yang ra aisin, yang sibrinki nani sut wina pri ai sakan.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Sins Lâka 15:29

Dawan lika upla watawikira nani wina laihura sa, kuna witin kasakkira nani pura sunra ba walisa.

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Jirimaya 33:3

Yang ra ai wins bara pana mai aisamna, diara tânka tara nani dahra prakan tânka nani ba, man tânka briras sma ba mamrikamni.

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 21:22

Bara man nani kasak luki puram sunra ra makama ba, sut brima.

Mark 11:24

Baha mita mai wisna: Dîa dîa man nani pura sunra ra makama kaka, bara pat briram wisi kasak lukma kaka, baku takbia.

Jan 14:13

Diara sut man nani bui yang nini mâki makama ba, yang daukamna, bara baku mika Luhpia ba mita Aisa prana ba marikbia.

Jan 15:10

Man nani lâika bîla kat wali dauki kama kaka, yang laitwanka lâka ra sin ban kama, sim yang Aisiki lâka wali daukisna bara latwan ai kaiki ba kat ban sna ba baku.

Jan 15:7

“Man nani ba yang wal asla ban sma kaka, bara dîa mai smalkri ba sin âmya tikras sma kaka, dîa dîa want sma ba makas, bara maikan kabia.

Jan 6:29

Jisas pana aisi wisata: —Gâd want sa man nani daukma, witin mita blikan uplika ba ra kasak lukma.

Jan 8:29

Kan witinka ai blikan ba yang wal sa. Aisiki mita yang na yakan ai swiras, kan witin kupia lâka ba kat daukisna.

Jan 9:31

Yang nani kaikisna Gâd lika saura dadaukra nani ra walras sa; sakuna ya witin ra ai pura suni mayuni bara ai kupia lâka sin dauki ba lika, witin walisa.

Apastil Nani Sturka 17:30

Gâd lika patitara piua ra upla nani diara tânka kaikras kan ba mapara ai nakra prakan kan. Sakuna naiwa yua ra lika plis bani ra upla nani iwi ba sut ra param wisa, ai saurka nani ba wina ai kupia lakaia sa.

Apastil Nani Sturka 20:21

Ju nani ra bara Ju apia nani sut ra smalki kapri, ai saurka nani ba wina ai kupia lakbia Gâd mawanra, bara kasak lukbia Dawan Jisas ra.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

Jems 4:3

Man nani makabankam nani ba saura makabisma bamna, sip briras; kan man nani wînam liliaka dukiara baman lukisma bamna.

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.

1 Jan 2:3

Gâd lâka ba bîla wali daukisa kaka, baha ba lika wan marikan sa yawan bui witin ra kakaira ba tânka.

1 Jan 5:14

Bamna yawan lika Gâd ra wan kupia mangki lukisa, kan yawan kaikisa, witin ai kupia lâka kat dîa dîa makabuya ba wan walisa.