1 Jan 3:12 - DAWAN BÎLA AISKA

¹² Yawan lika Ken baku kaia apia sa; witin lika dibil uplika kan ba mita, ai muihni ra ikan. ¿Bara dîa muni ikan ki? Kan Ken dîa dauki kan ba saura baman kan, kuna Abel dîa dauki kan ba lika yamni pali kata.

1 Jan 3:12 ပူးပေါင်းရင်းမြစ်များ

Blasi Sturka 4:25

Bara Adam kli ai maya ba tânka kaikan bara witin ai luhpia waitna kum baikan, bara ai nina Set mâkata. Kan yaptika aisin: “Gâd wina luhpi waitna wala aikan Abel watlika ra, Ken mita witin ra ikata ba.”

2 Samuil 13:22

Absalón witin mita lika Amnón ra diara kumi sin wiras kan, sakuna ai lakra Tamar ra swira daukan ba dukiara lika misbara kaiki kan.

Lawana Nani 37:12

Upla watawikira ba ai kupia ra diara lukisa upla yamni ra saura munaia, bara ai nakra ba misbara lâka wal tawi kaikisa.

Lawana Nani 38:20

Yamni daukri mana, pana saura ni aibapuya; yamni daukaia plikisna ba ra, witin nani ba yang maipara buisa.

Sins Lâka 27:4

Wan kupia laptika ba krakraka sa, lawan tara ba sin diara sauhki tikisa; sakuna diara tumaia lâka ba sip alki takaskras.

Sins Lâka 29:10

Upla âikra nani bara saurakira nani mita upla wapnikira pruaia kat misbara kaikisa.

Sins Lâka 29:27

Upla kasakkira nani nakra ra waitna watawikira ba saura pali sa, bara upla watawikira nakra ra yabal ra wapni tataukra ba saura pali sa.

Matiu 13:19

Yabal ra saumuk nani kauhan ba lika, Gâd king aimaki ba lâka sturka yamni walan sakuna tânka briras nani ba baku sa; dibil ba aula, bara ai kupia ra sturi yamni mangkan kata ba, mihta dakbisa.

Matiu 13:38

nasla ba lika naha tasbaya. Saumuk yamni ba king tasbaya uplika nani sa; inma saura ba dibil uplika nani,

Matiu 23:35

Bara baku sika man nani puramra pât kauhbia, upla yamni nani sut upla mita ikan nani tâlia ba, Abel kasakkira ba wina Berequías luhpia Sakaraya ba kat, witin ba man nani mita tempel altar wal lilapas kat ikram.

Matiu 27:23

Bara Pailat bila: —¿Bamna, witin na dîa saurka daukan sa ki? Sakuna witin nani kli ai pura winan: —¡Dus prihni ra sas!

Matiu 5:37

Witin nani wisa ‘âu’, aisin ba baku âu kabia; witin nani wisa ‘apia’, aisin ba baku apia kabia, baha wina kau wala aisabia, baha saura.

Luk 11:51

Abel tâlia ba wina Sakaraya tâlia ba kat. Sakaraya sika altar bara tempel wal lilapas kat ikan ba. Baku bamna mai wisna, Gâd baha traska dukiara sika naiwa piua uplika nani ra alkbia sa.

Jan 10:32

Bamna Jisas mita witin nani ra win: —Aisiki karnika mita man nani mamwanra diara manis pain daukri; ¿ani pali dukia ba tâwan walpa ni ai sabaisma ki?

Jan 8:40

Gâd mita ai marikan tânka kasak pali ba mai wîri, ban sakuna man nani want sma ai ikaia. ¡Ebraham aima kumi sin baku daukras kata!

Jan 8:41

Man nani daukisma dîa aisikam daukan ba. Baha nani pana win: —¡Yang nani lika bastar apia; Aisa kumi baman brisna, baha ba Gâd!

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

1 Tesalonaika 2:14

Muihki nani, Gâd sertska nani Judia ra takan ba baku, man nani ra sim sât mai takan, Kraist Jisas tânka nani ba. Man nani ba kuntrikam uplika nani mita ninam bliki rau mai sauhkan, witin nani ra ai kuntrika uplika Ju nani mita nina bliki, rausauhkan ba baku.

Hibru Nani 11:4

Kasak lukan lâka mita, Abel ba Gâd ra sakripais kau pain dauki yan Ken yaban ba wal; bara ba mita Gâd mita witin ba upla kasakkira kulki, ai prisantka nani ba brin. Baku bamna, Abel ba pruan sa sakuna, kasak lukan lâka brin bâk, witin kau ban aisisa.

Hibru Nani 12:24

Man nani lika Jisas lamara balram sa, witinka ba lâ raya daukan ba hilpka witin aimaki ba; witin ai tâlia laiki srikban ba ra sin, baha mita Abel tâlia ba purkara kau diara pain nani wan aisi ba.

1 Pita 4:4

Nanara idan ba man nani bui witin nani ra baha taniska lâka kan uya dauki ai yula kahbras sma bamna, aihka lukisa, bara ba mita ninamra saura aisisa.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.