1 Jan 3:10 - DAWAN BÎLA AISKA

¹⁰ Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Jan 3:10 ပူးပေါင်းရင်းမြစ်များ

2 Samuil 13:22

Absalón witin mita lika Amnón ra diara kumi sin wiras kan, sakuna ai lakra Tamar ra swira daukan ba dukiara lika misbara kaiki kan.

Matiu 13:38

nasla ba lika naha tasbaya. Saumuk yamni ba king tasbaya uplika nani sa; inma saura ba dibil uplika nani,

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Jan 11:52

bara Ju nani nisanka tâwan baman apia, sakuna Gâd luhpia nani laihura yakaban nani ba sut asla daukaia mata sin.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Jan 8:47

Ya Gâd wina sa kaka, Gâd bîla nani ba aman walisa; sakuna man nani na Gâd wina apia sma ba mita, walaia want apia sma.

Apastil Nani Sturka 13:10

naku win: —Man kuninkira, saurakira, dibil luhpia, diara pain nani sut wailhka sma ba. ¿Dîa kan man Dawan yabalka wapni nani ba warbi lakaia munisma?

Roman 13:8

Bamna upla kumi wal sin tras bripara, sakuna upla wala wal pana pana latwan kaikaia traska ba lika bri bas; kan ani uplika mita upla wala ra latwan kaiki ba lika, dîa Gâd lâka wan wi ba sut daukan sika.

Epesus 5:1

Man nani, Gâd luhpia nani latwan mai kaikan ba, witin baku kaia trai kaiks.

Kolosi 3:14

Baha sut purkara, latwan lâka kwalka ba dims, baha sika kasakka lâka nani sut asla kumi ra wilkan ba.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

1 Jan 2:29

Man nani pat kaikisma Jisas Kraist lika kasakkira sa; baku bamna, kaiki kaia sma ani uplika nani kasakka lâka dauki ba sika, Gâd luhpia nani sa.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

1 Jan 4:21

Kraist mita naha lâka na wankan: Gâd ra latwan kaiki uplika ba, ai muihni ra sin latwan kaikaia sa.

1 Jan 4:6

Sakuna yawan lika Gâd dukia sa; bara ya Gâd kakaira ba yawan ra walisa, kuna Gâd wina apia uplika ba yawan ra walras sa. Baha mita, yawan kaikaia sip sa, ya Spirit pain brisa bara ya kunin spiritka bri ba.

1 Jan 4:8

Bamna ya latwan lâka âpu sa, Gâd kakaira apia sa, kan Gâd ba latwan lâka sa.

1 Jan 5:19

Yawan pain kaikisa Gâd uplika nani sa, bara tasba aiska na lika Sitan karnika mununhtara sa.

1 Jan 5:2

Bamna yawan lika Gâd ra latwan kaiki ai lâka nani wankan ba sin daukisa kaka, baha piua yawan pain kaikisa, Gâd luhpia nani ra sin latwan kaikisa.

3 Jan 1:11

Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.