1 Jan 3:1 - DAWAN BÎLA AISKA

¹ Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

1 Jan 3:1 ပူးပေါင်းရင်းမြစ်များ

2 Samuil 7:19

¡Naha na diara bahki kum baku kulkram, Dawan, man ban luki bara aisaram albikam kiamka yua nani bîla kaikanka ba dukiara! Dawan, upla kumi sin man baku sip diara daukras.

Lawana Nani 31:19

¡Nahki tara sa, kupiam yamnika lâka ba baha nani man ra luki tniwi nani ba! Main kaiki apahki brisma diara manakira baku, upla nani sut mawanra man bui witin nani ba, pramna kulkanka baku diara yui yabisma.

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Luk 20:36

kli prubia apia bamna. Witin nani lika insal nani wal baku kabia, bara witin nani Gâd luhpia nani kabia pruan wina kli buan ba mita.

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Jan 11:52

bara Ju nani nisanka tâwan baman apia, sakuna Gâd luhpia nani laihura yakaban nani ba sut asla daukaia mata sin.

Jan 15:21

Naha diara sut yang tâiwan man nani ra mai munan kabia, kan naha tasba wina uplika nani mita, witinka yang ai blikan ba kakaira apia sa.

Jan 16:3

Baku daukan kabia, kan tasba wina uplika nani ba mita Aisiki ra kakaira apia sa, bara yang ra sin ai kakaira apia sa.

Jan 17:25

Aisa kasakkira, tasba uplika nani ba lika man ra mai kaikras, sakuna yang mita lika mai kakaira sna, bamna naha nani sin ai dara walisa man mita ai blikram sa.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Roman 5:8

Sakuna Gâd ai latwanka tara ba wan marikisa: yawan kau upla saurakira nani kan, sakuna Kraist lika wan tâwan pruan.

Roman 8:19

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

Roman 8:21

kan paskanka aiska ba alba kaia lâka ba wina bara sauhki tikaia lâka ba wina pri sakan kabia, baku mika witin nani sin Gâd luhpia nani pri sakan pranakira ba tilara ai dukia bri kabia.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

2 Korint 6:18

bara yang baman man nani Aisikam kamna, bara man nani ba luhpi waitna nani bara luhpi mairin nani kama, Dawan, karnika sut bri ba, baku wisa.”

Galesha 3:26

Kan kasak lukan lâka ba mita man nani sut lika Gâd luhpia nani sma, Kraist Jisas wal asla takram ba mita.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Kli Smalkanka 14:1

“Man nani ba Dawan Gâd luhpia nani sma. Upla kum prubia kaka, baha dukiara lamla kusbi wînam ra klakpara.

Kolosi 3:3

Kan man nani lika pruram, bara nanara rayakam ba Kraist wal Gâd ra yukukan sa.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

1 Jan 4:17

Baku yawan sip sa latwan lâka ba aiska pali briaia, bara baha mita tnata yua ra wan âuyapah kabia; kan yawan lika naha tasba ra sa sim Jisas Kraist kata baku.

Param Marikanka 21:7

Bamna ani uplika nani sip muni pura lui bubia ba, naha sut ai dukia bribia; bara yang na witin nani Gâdka kamna, bara witin nani ba yang luhpi nani kabia.