1 Jan 2:5 - DAWAN BÎLA AISKA

⁵ Sakuna, ani uplika Dawan dîa wi ba kat dauki ba, baha sika Gâd ra kasak pali latwan kaiki ba; baku lika kaikan sa yawan, witin wal asla sa.

1 Jan 2:5 ပူးပေါင်းရင်းမြစ်များ

Lawana Nani 105:45

Baha mita, Dawan lâka nani bara smalkanka nani ba kulki, alki brih daukbia dukiara. ¡Dawan nina ba mayunan kabia!

Lawana Nani 106:3

Lilia pali sa baha nani kasakka lâka dauki ba, bara piua sut diara kasak baman dauki ba.

Lawana Nani 119:146

Man ra winisni; hilp ai muns bara man lâmka bîla nani ban bri kulki kamni.

Lawana Nani 119:2

Lilia pali sa, baha nani ai lâka bîla nani yamni bri ba, bara ai kupia aiska witin ra pliki ba,

Lawana Nani 119:4

Man adarkam wankisma, lâmka nani smalki wankram ba, yang nani baha nani ban pali bri dauki kaia.

Sins Lâka 28:7

Ya Gâd lâka alki yamni brih uplika ba lika upla luhpia sinskira sa, sakuna bîla maihsira nani ai pânika bri ba lika, ai papika swira tara paskisa.

Sins Lâka 8:32

“Bara nanara, luhpi nani, yang ra wals; yamni pali kama, yang yabalki ra kaka.

Smasmalkra 8:5

Upla kum adar kat dauki ba, saura kumi sin takbia apia, upla sinskira ba sin tânka brisa, aihka bara nahki win ba kat daukaia.

Isikiel 36:27

Man nani ra spiritki maikamna, bara yabrika lâika bîla bara daukaia lâka daukri ba kulkbia;

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Jan 14:21

Bamna ani uplika lâika nani tânka brisa bara bîli kat wali daukisa kaka, witin param marikisa yang ra latwan ai kaikisa. Latwan ai kaiki uplika ra, Aisiki latwan kaikbia, bara yang sin latwan kaikamna, ban sin witin ra latan takamna.

Jan 14:23

Jisas pana win: —Ani uplika latwan ai kaiki ba, dîa aisisna ba kat wali daukisa, bara Aisiki mita latwan kaikbia, bamna yang Aisiki wal bal baha uplika ra takaskamna.

Jan 15:5

“Yang sika wain kiwka ba, bara man nani lika tnawa nani sma. Bara ani uplika yang wal asla ban ba, yang sin witin wal asla sna, bara baku lika witin ai mâ manis sakisa; baku bamna yang âpu kira man nani sip diara daukras.

Jan 6:56

Ya yang wîni tara ba pîsa bara tâilia sin dîsa kaka, witin ba yang wal asla iwisa, bara yang sin witin wal asla sna.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Jems 2:22

¿Kaikras sma ki? Ebraham kasak lukanka ba ai daukanka wal kumi asla daukan sa; witin ai kasak lukanka lâka bara ai daukanka nani mita kasak pali marikan.

1 Jan 3:24

Ani uplika Gâd lâka nani bîla wali dauki ba, witin lika Gâd wal asla sa, bara Gâd sin witin wal asla sa. Bara naha tânka wal yawan kaikisa yawan ra witin raya iwi ba: Spirit Holikira yawan ra wankan ba mita.

1 Jan 4:17

Baku yawan sip sa latwan lâka ba aiska pali briaia, bara baha mita tnata yua ra wan âuyapah kabia; kan yawan lika naha tasba ra sa sim Jisas Kraist kata baku.

1 Jan 4:18

Anira latwan lâka bâra sa kaka, bahara sibrin lâka âpu. Kan latwan lâka pali ba mita sibrin lâka ba âpu daukisa, sibrin lâka ba ai pâtka twilkisa bamna. Baha mita, ani uplika sibrin lâka brisa kaka, witin lika latwan lâka pali ba briras sa.

1 Jan 5:2

Bamna yawan lika Gâd ra latwan kaiki ai lâka nani wankan ba sin daukisa kaka, baha piua yawan pain kaikisa, Gâd luhpia nani ra sin latwan kaikisa.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

2 Jan 1:6

Latwan lâka tânka ba sika naha: Gâd lâka nani ra dîa wi ba kat iwi kaia; bamna tâ pali piua ra baha lâka ba dukiara pat walram baku, man nani latwan lâka ra iwi kama.

Param Marikanka 12:17

Baku bamna, dragun ba mairka mapara uya ai kupia baikan, bara mairka kiamka nani kau bâra nani kan ba mapara aiklabaia wan, baha nani Gâd lâka bîla nani alki ba, bara Jisas Kraist sturka yamni kat kasak nani ba.

Param Marikanka 14:12

¡Nâra sika Gâd uplika nani, ai kupia alki bri ba kaikbia, baha nani Gâd lâka nani wali dauki ba, bara Jisas ra sin ban kasak luki nani ba!