1 Jan 2:4 - DAWAN BÎLA AISKA

⁴ Sakuna upla kum wibia: “Yang lika witin ba kakaira sna”, kuna ai lâka bîla wali daukras sa kaka, baha uplika ba kuninkira bara diara kasak ba tânka witin ra âpu sa.

1 Jan 2:4 ပူးပေါင်းရင်းမြစ်များ

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Taitus 1:10

Kan sip ai kupia alki takaskras uplika ailal bâra sa, bara kau pali Ju nani, kristian takan nani ba tilara, bara witin nani diara bahki nani baman aisi, upla nani ra kunin muni taukisa.

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

1 Jan 1:10

Sakuna yawan saura yaras wibia kaka, Gâd ba kuninkira sakisa, bara yawan lika witin smalkanka bîla ba kasak pali alki brih daukras sa.

1 Jan 1:6

Yawan lika Gâd wal asla sa wisi aisi kabia kuna tihmia ra ban takaskisa kaka, yawan lika dîa aisi ba bara dîa dauki ba sut mapara kunin aisisa.

1 Jan 1:8

Yawan ba saurka kumi sin âpu sa wibia kaka, wan lukanka ra kunin munisa, bara diara kasak ba kumi sin yawan ra âpu sa.

1 Jan 2:3

Gâd lâka ba bîla wali daukisa kaka, baha ba lika wan marikan sa yawan bui witin ra kakaira ba tânka.

1 Jan 2:9

Bamna upla kum wisa witin ba ingni ra sa, sakuna ai muihni ra misbara kaikisa kaka, witin ba lika kau tihmia ra sa.

1 Jan 3:6

Baku bamna, ani uplika Kraist wal asla ban ba, witin saura daukras sa; sakuna ani uplika saura baman dauki tauki ba, witin lika Kraist ra kau kaikras bara kakaira sin apia sa.

1 Jan 4:20

Upla kum wibia kaka: “Yang lika Gâd ra latwan kaikisni”, kuna ai muihni ra misbara kaikisa kaka, witin lika kuninkira pali sa. Kan ani uplika ai muihni ra ai nakra ni kaiki kuna sip latwan kaikras ba, witin sip Gâd ra latwan kaikbia apia, witinka ra ai nakra ni kaikras ba.

1 Jan 4:7

Muihki laitwankira nani, yawan lika pana pana wan walka ra latwan kaikaia sa, kan latwan lâka ba Gâd wina sa. Latwan lâka bri uplika bani ba lika Gâd luhpia bara Gâd ra kakaira sa.