1 Jan 2:16 - DAWAN BÎLA AISKA

¹⁶ kan tasba na mita wanki dukia ba kumi sin Aisa wina apia sa, tasba witin ai dukia sa. Wan wîna tara brinka saura nani ba, wan nakra diara kaiki bani brin dauki ba, naha tasba dukia nani ba wal aimayunaia lâka ba sut, naha tasba wina baman sa.

1 Jan 2:16 ပူးပေါင်းရင်းမြစ်များ

Blasi Sturka 3:6

Bara mairin baha walan ba ra, dusa ba kaikan, dusa mâ ba piaia painkira kan. Witin ai nakra nani ra sin pain kan, bara dusa ba sin mahka pin dauki kan, sinskira takaia dukiara. Bara mâ ba wina brin, bara pin. Baha ningkara ai maya ra sin yan, bara witin sin wal baku brih pin.

Blasi Sturka 6:2

Gâd luhpia nani ba kaikan, upla luhpia mairin nani ba mawan pranakira pali kan, witin nani ai laikka ba kat ai maya nani brin, ailalka nani ba tila wina pliki saki.

Job 31:1

Yang kupi wal lâ daukri, tiara nani ba kaiki brin ai daukras kaia, mairin tiara yakan nani ba ra brinka gridi lâka ra briaia.

Lawana Nani 73:6

Bahamna, witin nani prautka lâka ba, ai nana ra lilura baku paman sa; upla ra saura munaia lâka ba, ai prâka baku diman sa.

Lawana Nani 78:18

Witin nani sin Dawan ra traika kaikan, dîa pata witin nani want ba makabi banhwi kan.

Lawana Nani 78:30

Baha pata sut pin kau ai bîla ra bri kan, sakuna kau âuyapah takras kan;

Sins Lâka 27:20

Prura ba, raiti ba bara upla gridika lâka ba, ban pali âuyapah takras sa.

Sins Lâka 6:25

Witin wîna tara painka ba kaiki kupiam ra brin mai daukbiara; ¡ai nakra mai kaiki ba wal, yabrika kupiam alkbiara!

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Kulki Kaikanka 11:34

Bara baha pliska nina ba Kibrot-hataavá mâkan, baha tânka ba lika plun piaia brinka baman luki kan uplika nani bikan bamna.

Kulki Kaikanka 11:4

Witin ai tilara upla kiamka sât wala nani ailal bâra kan, baha nani ba plun piaia dukiara baman luki kan, baha nani mita Israel luhpia nani ba ai lâka ra brih wan, bara witin nani mahka ini aisin: “¿Ani wina yawan upan pibia?

Matiu 4:8

Kli dibil mita il kum purara pali suni, naha tasbaya kuntrika nani sut marikan, ai prana nani sin.

Matiu 5:28

Sakuna nanara yang mai wisna: Ya ya mairin kum kaiki, brin pali daukbia kaka, pat witin wal ai kupia ra marit lâka sauhkan sa.

Luk 4:5

Tisku baku kan, dibil mita Jisas ba brih il kum purara ulan, nakra klipan kum ra king tasbaya aiska ba marikan.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

1 Korint 10:6

Naha diara nani na takan yawan ra tânka kum wan marikaia dukiara, bara baku mika yawan na diara saura nani want takbia apia, witin nani daukan ba baku.

Galesha 5:17

Kan wan wîna tara brinka saura nani ba Gâd Spiritka mapara aiklabisa, bara Spirit ba mita wan wîna tara brinka saura nani ba mapara aiklabisa. Bamna baha nani ba pana pana ai mapara sa, bara baha mita man nani dîa brin mai dauki ba kat sip daukras.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

Taitus 2:12

Baha Gâd kupia yamni tânka ba wan smalkisa, saurka lâka ba bara tasba brinka karna nani ba yawan swibia, bara naha tasba ra wan sinska ba pain, wapni bara Gâd ra sin luki brih iwi kabia.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Jems 3:15

Nahmuna sinska lâka, Gâd wina balras; naha tasba sinska sa, upla lukanka wina, Sitan pali wina sa.

Jems 4:16

Sakuna man nani uya mamyuni aisisma; bara naha pura luaia lukanka na sika saura.

Jasua 7:21

Jeriko ra diara nani yang nani dakbi briri ba tilara, kaikri Babilon ra daukan kwala tara maman painkira kum bâra kan silbar mâ 200, wala gul ni dus kum daukan paun kum pura bri kan. Baha dukia nani ba sika yang pain pali kaikri bara briri; dukia nani ba, tintki watla bilara tasba salhki, lalahka ba munhtara mangki bara diara wala nani ba baha purara biki swiri sa.

1 Pita 1:14

Luhpia kiama lihni nani baku bas, bara kau Gâd ra kakaira apia katma ba ra, brinka karna nani bri kapram ba, kli daukpara.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

2 Pita 2:10

Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.