Wihta Nani 8:3 - DAWAN BÎLA AISKA

³ Dawan mita Madián uplika nani wihtka tara wâl ba Oreb bara Zeeb wal, man nani mihtam ra mangkan. ¿Bara yang dîa daukri sa ki, man nani baha daukram ba wal prakaia? Efraín uplika nani ba Gedeón aisin ba walan ba ra, witin nani kupia pain takan witin ai mapa ra.

Wihta Nani 8:3 ပူးပေါင်းရင်းမြစ်များ

Lawana Nani 115:1

Dawan, maiyunpara, mayunra ba man bris, yang nani ra lika apia mayunra ba man bris, ¡man latwankam lâka ba mita bara man kasakkam lâka tânka ba wal!

Lawana Nani 44:3

Klamhkla bara sordkam sin apia, pura lui buaia karnika yaban ba; witin nani mita upla wala nani tasbaya ba pura luras kan. Man diara daukaia karnika brisma ba, man karnikam ba mita baha sut daukram. ¡Man bui witin nani lamara mamwan ingnika marikram bamna, latwan kaiki kapram ba mita daukram!

Sins Lâka 15:1

Swapni ni upla tawa aisaia ba ai kupia baikanka ba daskisa, sakuna sarka paski bîla nani lika kau kupia baikisa.

Sins Lâka 16:32

Kau yamni sa kupia swapni kaia wihki kupia karna kaia ba wal, kau yamni sa, ai wîna ra taibi muni pura lui ba wihki, tawan kum pura luaia ba wal.

Sins Lâka 25:11

Bîla aisanka nani ba ai piua kat aisi ba ra apil gul ni paskan ba baku sa, silbar ni paskan watlika ra mangki swin baku sa.

Sins Lâka 25:15

Wan kupia alki takaski briaia ba mita wihta kupia lakuya; bara wan twisa swapni aisi ba mita, mapara bûi ba krikuya.

Jan 4:37

Bamna kasak pali sika, sturi aisanka kum naku win ba: ‘Upla kum mâ mangkisa bara upla wala sika mâ kriki ba.’

Roman 12:3

Baha karbanka Gâd kupia pinhka ba mita purira sunan ba mita sika, man nani sut ra mai wisna, upla kumi bani ai dukiara dîa lukaia ba kau pura lui lukbiara. Ban sakuna, kumi bani ai sinska pain bri lukaia sa, Gâd ai kupia yamni prisantka nani mita kasak lukan lâka mita yaban ba kat.

Roman 12:6

Gâd prisant sât sât wankan sa, witin bui upla bani ra dîa yabaia want kan ba kat. Bamna baha prisantka nani wankan ba pain yus munaia sa. Gâd bui ai sturka yamni dahra aisaia warkka wankan sa kaka, yawan kasak luki ba tânka kat aisaia daukan sa.

Pilipai 2:3

Yakan dukiamra bara waihla lâka mita ban sin diara kumi daukpara; sakuna bawikira nani bas, bara kumi bani ai walka nani ba witin purkara kau pain sa kulkbia.

Wihta Nani 8:2

Sakuna Gedeón pana witin nani ra win: —¿Damra walras sma ki, man nani kau diara tara daukram ba yang nani purkira? Yang nani aiklabri sakuna, man nani daukram ba baku diara tara daukras.

Wihta Nani 8:4

Baha wina Gedeón buan, bara ai uplika nani 300 ba aikuki Jordan awala ba lui wan, ai waihla nina bliki ban plun dauki swapan kan sakuna.