Wihta Nani 7:16 - DAWAN BÎLA AISKA

¹⁶ Baha wisi si, witin ai uplika nani 300 ba daknika yumhpa ra baiki lakan, bara kumi bani mihta ra sîp aringka ba mangkan trumpit puhbaia, bara lî watla nani bîla baman bri kan ba bilara sin pauta klauhan mangki yaban.

Wihta Nani 7:16 ပူးပေါင်းရင်းမြစ်များ

Blasi Sturka 14:15

Bara tihmia ra king nani ba ai dara walras kan, Ebram ai uplika nani aikuki wih dimi aiklaban. Bara witin nani plapan, swiras nina blikan Hobá kat wan, Damaskus tawanka yahbra tani ra ba.

2 Samuil 18:2

Baha ningkara aiklaklabra daknika baiki sakanka yumhpa wina kum ba Joab wal blikan, baiki sakanka wala ba Abiatar wal blikan, witin ba Seruiá luhpia bara Joab muihnika, bara daknika yumhpika ba lika Itai karnika munhtara, witinka Gat wina ba. Bara witin aiklaklabra sut ra win: —Yang sin man nani wal war ra wamna.

2 Korint 4:7

Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

Wihta Nani 7:15

Witin walan suldiar yaprisauhkan kaikan sturka ba, bara baha tânka wala ba bui win ba, bara Gedeón Dawan ra mayunan. Baha ningkara, witin ba Israel luhpia nani kiampka ra wan, bara witin nani ra win: —Man nani bus, Madián uplika nani kiampka ba Dawan bui wan mihta ra mangkuya.

Wihta Nani 7:17

Bara witin nani ra win: —Wan waihla nani kiampka tnaya wala ba tani ra yang nani wamna, bara yang ra aman ai kaiki wali bas, yang dîa daukamna ba man nani sin baku dauks.

1 Samuil 11:11

Yapra wala ra, Saúl ai uplika nani sut ba dakni yumhpa ra baiki sakan, bara kau lalma kahbras kan pat ai waihla nani lila kat diman kan, bara witin nani ra iki kan, yu wal lal kat. Ya nani kau raya kan ba yakabrira takan, bara witin nani tila wina upla wâl pan asla apia kata.