Wihta Nani 7:14 - DAWAN BÎLA AISKA

¹⁴ Bara suldiar wala ba pana win: —Baha lika diara wala apia, Israel wina Gedeón, Joás luhpia waitna ba, sordka yaprika sauhkanka man kaikram. Madián uplika nani kiamka ba sut Dawan bui Gedeón mihta ra mangkuya ba tânka mamrikan.

Wihta Nani 7:14 ပူးပေါင်းရင်းမြစ်များ

Job 1:10

Man mita swiram upla kumi sin witin wîna ra kangbras sa, ai watla uplika nani ra bara diara sut bri ba ra sin apia, diara witin dauki ba sut yamni baman munisma, bara witin sika daiwan kau ailal brisa, lalma tasbaya uplika sut bri ba wal.

Kulki Kaikanka 22:38

Bara Balaam pana win: —Âu, kaiks nanara yang pat nâra sna, mai kaikaia balri. Sakuna karnika âpu sna, brinki ba kat diara aisaia. Bamna Gâd bui dîa ai wibia ba baman sip sna aisaia.

Kulki Kaikanka 23:20

Yamni wiaia adarka ba yang brisna; Gâd mita yamni munisa kaka, yang mita sip mapara aisaras.

Kulki Kaikanka 23:5

Bara Dawan, witin dîa aisaia kan ba Balaam un ra mangkan, bara witin ra win: —Man kli Balac ra was, bara dîa wiaia mai wîri ba wis.

Jasua 2:24

Witin nani sin win: “Tasbaya aiska ba Dawan yawan wan mihta ra mangkan sa. Yang nani wari ba tâka, nanara upla sut ba pruaia prais sibrin daukisa.”

Jasua 2:9

—Yang daira walisna Dawan mita naha tasbaya na pat man nani mihtam ra mangkan sa, witin mita upla nani na pat man nani sibrinkam dingkan sa. Man nani nâra balram na dukiara upla sut na pat sibrin bla pruisa.

Jasua 5:1

Jordan awala baila wala muna tani ra amorreo nani kingka nani sut, Mediterráneo kabuka lamara ba, Kenan uplika nani kingka nani ba sut sin, sturi takan ba walan, Dawan mita Jordan awala ba lâki bri kan, bara Israel luhpia nani ba awala baila wala luan ba. Baha sturka witin nani ra kasak sibrin daukan, baha mita witin nani kumi sin Israel luhpia nani ra ai mihta bukras kan.

Wihta Nani 3:28

Bara Ehud bui witin nani ra win witin ai nina blîkbia, Dawan bui witin nani ra karnika yabia bamna Moab uplika waihla nani ba pura luaia. Bara witin nani Ehud nina blikan, Jordan awala luaia yabalka ba kutbi brin, bara upla kumi sin swin bahak lui waras kan.

Wihta Nani 7:13

Gedeón ai waihla nani kiampka ba lamara wan ba ra, witin walan suldiar kum suldiar wala wal aisi kan witin yaprisauhkan kaikan dahra ba witin ra wi kan: —Yang yaprisauhkan kum kaikri, barli mâ britka kum karwi yawan kiamka kat bal diman, bara tint watla kum kat utla ba batakan.

Wihta Nani 7:15

Witin walan suldiar yaprisauhkan kaikan sturka ba, bara baha tânka wala ba bui win ba, bara Gedeón Dawan ra mayunan. Baha ningkara, witin ba Israel luhpia nani kiampka ra wan, bara witin nani ra win: —Man nani bus, Madián uplika nani kiampka ba Dawan bui wan mihta ra mangkuya.

1 Samuil 14:12

Baku aisin ba ra witin nani wâlsut ra winan: —¡Man nani, yang nani nâra sna na ra uli bal, yang nani diara mai wiaia brisna! Bara Janatan ai hilpika ra win: —Nini blîks, uplika nani na Dawan mita Israel luhpia nani mihta ra mangkuya.