Wihta Nani 7:12 - DAWAN BÎLA AISKA

¹² Madián uplika nani, Amalec uplika nani bara lalma tasbaya uplika nani ba sut il bîla langnika ba ra tristrisia ailalka yakawi ba baku bâra kan. Kiamil nani sin ailal pali bri kan, kabu un ra auhya mâ ailalka ba baku.

Wihta Nani 7:12 ပူးပေါင်းရင်းမြစ်များ

1 King Nani 20:27

Israel luhpia nani sin pain pali tânka ba laki kaikan, bara plun nani saki brih Siria uplika nani mapara aiklabaia taki wan. Bara Israel luhpia nani mita ai waihla nani kainara takaski banhwan, guts daknika baikanka wâl baku takan, bara Siria uplika nani mita tasbaya ba sut kutbi brin.

1 King Nani 4:30

Bara Salaman sinska lâka ba kau tara pali kata lalma uplika sut ba wal, Idsip uplika nani aiska sinska lâka ba wal sin.

Lawana Nani 3:1

Dawan, waihli nani ba uya takan sa, manis nani ba, yang maipara buan sa.

Lawana Nani 33:16

King kumi sin âpu sa, upla aiklaklabra nani ailal ba karnika mita swaki sakaia, kupia karnakira ba sin ai karnika bri mita ai wîna swaki sakras sa.

Jirimaya 46:23

¡Dus ailal pali pâwan baku ba sut klakbia! Yang, Dawan, kasak aisisna. Aiklaklabra nani ba ailal pali sa, tristrisia nani sip kulki sakras ba baku sa.

Jasua 11:4

Naha kingka nani sut taki balan, ai aiklaklabra nani sut sin, ai araska nani bara wagin nani, upla sip kulki sakras, kabu auhika mâ kabu un ra ba baku kata.

Wihta Nani 6:3

Piua bani Israel luhpia nani ai nasla dauki mangki bri kan ba, mâ nani ba Madián uplika nani bara Amalec uplika nani lalma tani ra iwi kan ba bal, pura lui bri kan.

Wihta Nani 6:33

Bamna Madián uplika nani, Amalec uplika nani bara lalma tani tasbaya ra iwi uplika nani ba sut, asla taki Jordan awala Jezreel ilka bîla ra ai kiampka bapan.

Wihta Nani 6:5

Witin nani ai watla nani baha nani tilara mâki, ai daiwra nani sin baha nani daiwra nani tilara dingki, tasbaya dawanka nani ba sut sauhki kan. Kiamil daknika tara nani bri balan, kruhkru daknika tara baku.

Wihta Nani 7:13

Gedeón ai waihla nani kiampka ba lamara wan ba ra, witin walan suldiar kum suldiar wala wal aisi kan witin yaprisauhkan kaikan dahra ba witin ra wi kan: —Yang yaprisauhkan kum kaikri, barli mâ britka kum karwi yawan kiamka kat bal diman, bara tint watla kum kat utla ba batakan.

Wihta Nani 8:10

Zébah bara Salmuná wal, lalma tasbaya wina aiklaklabra nani kau 15,000 raya kan ba aikuki, Carcor ra takaski kan aiklaklabra 120,000 lika pat ikan kan.

1 Samuil 13:5

Filisteo nani sut asla takan, Israel luhpia nani wal aiklabaia. War aiklabaia waginka 30,000 brin, 6,000 aras âiulra nani, upla ailal auhya mâ baku. Witin nani Micmás ra aiklabaia ai kiampka bapan, baha lika Bet-avén lalma tani ra.

1 Samuil 30:17

Bara Debit titan wina tutni kat witin nani wal aiklabi kan, bara sut sauhki tikan, wahma nani 400 baman kiamil ra uli plapi swak takan.