Wihta Nani 6:4 - DAWAN BÎLA AISKA

⁴ Witin nani Israel luhpia nani tasbaya aiska ra ban Gaza kat takaski, baha nani tilara ai watla nani mâki, bara baha wina Israel luhpia nani pata mâ nani ba, sîpka nani ba, bîpka wainhka nani bara birikuka nani sut dakbi bri kan, Israel luhpia nani piaika diara kumi sin swiras kan.

Wihta Nani 6:4 ပူးပေါင်းရင်းမြစ်များ

Blasi Sturka 10:19

Witin nani ai tasbaya piarkika ba, Sidón wina waupasa tani ra Guerar kat, baha lika Gaza lamara, baha wina lalma tani ra Sodoma, Gomora, Adma ban Seboím bâk lui Lesa lama kat.

Blasi Sturka 13:10

Bara Lot Jordan twiya aiska ba tawi kaikan, ban Sóar tawanka sirpi ba kat. Awalka un ba lî ailal bâra sa, giadin tara kum baku. Idsip tasbaya talia kan. (Sodoma Gomora wal Dawan mita kau sauhkras kan ba piua ra kan baku kan.)

Sins Lâka 28:3

Watawikira ba mita umpira nani ra taibi muni ba, lî karna auhi plun mangkan nani sut tiki ba baku sa.

Jirimaya 5:17

Namsla dâkisma patam mâ ba witin nani pibia, luhpiam waitna nani luhpiam mairin nani ba sin pih âpu daukbia. Sîpkam nani ba, bîpkam nani ba, wain nasla nani, kwah damni dusa nani brisma ba pibia. Aiklabaia dukia nani bri ba ni tawankam karna nani kutbanka ba bahara kasak lukisma ba sut sauhki tikbia.”

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Abdías 1:5

“Âimplikra nani tihmia ra bal dukiam nani implikan kata sin, dukiam nani sut pali briaia apia kan; wain mâ dakbi uplika nani man ra balan kan kata, tila mâ nani kau tnawa nani ra swiaia kan. Ban sakuna waihlam nani balan ba lika, dukiam nani kumi sin swiras, sut pali aihwa brin.

Miqueas 6:15

Saumuk mangki kama, sakuna mâ krikma apia; oliv mâ nani sin taibi kama, sakuna baha batanka laya ba, man nani dukiam kabia apia; wain mâ ba sin taibi kama, sakuna laya ba man nani dima apia.

Kli Smalkanka 28:33

Upla man nani bui kakaira apia sma ba, tasbayam wina plun mâ nani sakisma ba pi kabia, ban pât wahwi taiban ra bara lawi mai dauki kabia.

Kli Smalkanka 28:51

Daiwram luhpia nani sut pibia bara tasbayam wina patam mâ sâkma ba sin, sut prui tiwbia ba kat; plun saumukka, wain, batana, bîpkam, sîpkam luhpia sin swibia apia, bara plun bla pruma.

Wihta Nani 6:3

Piua bani Israel luhpia nani ai nasla dauki mangki bri kan ba, mâ nani ba Madián uplika nani bara Amalec uplika nani lalma tani ra iwi kan ba bal, pura lui bri kan.