Wihta Nani 6:3 - DAWAN BÎLA AISKA

³ Piua bani Israel luhpia nani ai nasla dauki mangki bri kan ba, mâ nani ba Madián uplika nani bara Amalec uplika nani lalma tani ra iwi kan ba bal, pura lui bri kan.

Wihta Nani 6:3 ပူးပေါင်းရင်းမြစ်များ

Blasi Sturka 25:6

Mairin wala wina witin ai luhpia waitna nani bri kan ba, witin kau raya kan bara baha nani ra prisantka nani baman yaban, bara baha ningkara baha nani ba Aisak wal dakbi sakan, lalma tani tasbaya ra blikan witin nani bahara wih iwaia.

Blasi Sturka 29:1

Jekob ai yabalka bâk ban wan, bara lalma kuntrika tasbaya ra balan.

1 King Nani 20:27

Israel luhpia nani sin pain pali tânka ba laki kaikan, bara plun nani saki brih Siria uplika nani mapara aiklabaia taki wan. Bara Israel luhpia nani mita ai waihla nani kainara takaski banhwan, guts daknika baikanka wâl baku takan, bara Siria uplika nani mita tasbaya ba sut kutbi brin.

1 King Nani 4:30

Bara Salaman sinska lâka ba kau tara pali kata lalma uplika sut ba wal, Idsip uplika nani aiska sinska lâka ba wal sin.

1 King Nani 5:10

Baku bamna, Hiram bui Salaman dîa brin dauki kan ba kat yan: yalam dusa, bara awas dusa nani.

Job 1:3

Bara witin sîp 7,000, kiamil 3,000, wark bîpka nani 500, biriku mairin 500 bri kan, alba nani sin ailal pali bri kan. Lalma tasbaya ra witin baman kau upla yuyakira kan.

Job 31:8

Dîa yang mangkri ba wina upla wala pibia, bara dîa mangkri ba wakia wal daikan kabia.

Impakan Sturka 17:8

Ningkara Amalec uplika nani balan Refidim kat Israel luhpia nani wal war aiklabaia.

Aiseya 11:14

Witin nani wâlsut ba muna tani bâk filisteo nani ra wabia, nina tani tawi ba ra; mapara aiklabia, asla lalma tani tawanka nani dukia kukan ba dakbia. Ai karnika ba Edom, Moab bara Amón uplika nani ra taibi bribia.

Aiseya 62:8

Dawan ba swer takan ai klahkla aihkika karnika ba buki: “Kli swirka man plawarkam ba wina waihlam nani pibia apia, tringsar nani ba sin man wark takram wainka ba wina dibia apia;

Jirimaya 49:28

Quedar kiamka nani ra Hasor ra wihta nani ra wiaia Dawan aisin bîla nani ba, baha uplika nani ba sika Babilon kingka Nabucodonosor mita aiklaban ra pura luan ba: “¡Kainamra waps, Quedar nani wal aiklas! ¡Lalma tani ra iwi kiamka nani ba rausauhks!

Isikiel 25:3

Wis, Dawan ai bîla witin nani ra aisi ba walbia: ‘Man nani liliakira wini banhram, tempelki tâski dauki kan ba ra, Israel kuntrika sauhki tikan ba ra, Juda uplika nani ba upla iwras tasbaya ra brih wan.

Isikiel 25:4

Bamna aitani, lalma uplika nani karnika mihta ra mai mangkamna, witin nani tasbaya ba bribia, bara bahara tint watla ba bukbia, bara takaskaia pliska nani daukbia. Witin nani namsla dâkma pata nani ba pibia, bara tiala laya brisma nani ba sin dibia.

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Miqueas 6:15

Saumuk mangki kama, sakuna mâ krikma apia; oliv mâ nani sin taibi kama, sakuna baha batanka laya ba, man nani dukiam kabia apia; wain mâ ba sin taibi kama, sakuna laya ba man nani dima apia.

Kli Smalkanka 28:51

Daiwram luhpia nani sut pibia bara tasbayam wina patam mâ sâkma ba sin, sut prui tiwbia ba kat; plun saumukka, wain, batana, bîpkam, sîpkam luhpia sin swibia apia, bara plun bla pruma.

Wihta Nani 10:12

Sidón uplika nani, Amalec uplika nani bara Madián uplika nani sut ba man nani ra mai taibi mai bri kan; sakuna man nani bui yang ra karna winram ba ra, baha mihta wina pri mai sakri.

Wihta Nani 3:13

Eglón ba Amón uplika nani bara Amalec uplika aikuki lâ daukan, bara Israel luhpia nani mapara war aiklabi, Jeriko tawanka tara ba witin nani dakbi brin.

Wihta Nani 6:2

Madián uplika nani ba Israel luhpia nani ra piua bani kau karna taibi kan, bara naha nani Madián uplika nani sibrinka ba mita yukuwaia watla il nani ra, walpa unta nani ra, plis saura nani ra, baha nani sip wih dimi alkaia apia ba untika nani ra ai watla nani ba dauki brin.

Wihta Nani 6:33

Bamna Madián uplika nani, Amalec uplika nani bara lalma tani tasbaya ra iwi uplika nani ba sut, asla taki Jordan awala Jezreel ilka bîla ra ai kiampka bapan.

Wihta Nani 6:4

Witin nani Israel luhpia nani tasbaya aiska ra ban Gaza kat takaski, baha nani tilara ai watla nani mâki, bara baha wina Israel luhpia nani pata mâ nani ba, sîpka nani ba, bîpka wainhka nani bara birikuka nani sut dakbi bri kan, Israel luhpia nani piaika diara kumi sin swiras kan.

Wihta Nani 7:12

Madián uplika nani, Amalec uplika nani bara lalma tasbaya uplika nani ba sut il bîla langnika ba ra tristrisia ailalka yakawi ba baku bâra kan. Kiamil nani sin ailal pali bri kan, kabu un ra auhya mâ ailalka ba baku.

Wihta Nani 8:10

Zébah bara Salmuná wal, lalma tasbaya wina aiklaklabra nani kau 15,000 raya kan ba aikuki, Carcor ra takaski kan aiklaklabra 120,000 lika pat ikan kan.