Wihta Nani 4:14 - DAWAN BÎLA AISKA

¹⁴ Bara Débora bui Barac ra win: —Nanara man taki was, bara Dawan bui nanara Sísara ba man mihtam ra mangkbia. ¡Suldiarkam nani kainara Dawan pat auya sa! Bara Barac ai suldiarka 10,000 nani ba aikuki Tabor ilka wina bal iwan,

Wihta Nani 4:14 ပူးပေါင်းရင်းမြစ်များ

Blasi Sturka 19:14

Bara Lot wan, ai luhpia mairin nani briaia, makaban waitnika nani ba sut maisa pakan, bara witin nani ra win: —¡Man nani bus, naha tawanka na wina taki was, kan Dawan balan tawanka na sauhki tikaia! Sakuna ai dapna nani ba witin ra sip kasak lukras kan, baha sturka witin nani ra win ba.

Blasi Sturka 44:4

Witin nani tawan ba wina taki kau laihura pali waras kan ba ra, Josep ai watla pura wihtka ra win: —Baha uplika nani ba ninara man nina bliki was. Bliki alkma ba ra witin nani ra naku wis: ‘¿Man nani dîa muni yamni mai munan ba mana saura ni aibapisma? ¿Silbar kapka ba man nani dîa muni implikram,

2 Samuil 5:24

Dus nani purak mina binka nani taki aula walma ba ra, man taki aiklas, kan baha tânka ba yang lika man kainamra auna, filisteo aiklaklabra nani ra ikaia klalka yabaisna.

Aiseya 52:12

Man nani tawa tawa taki wama, plapi lika taki wapara; kan Dawan, Israel Gâdka ba wabia bamna, tnamya bani ra kainam kahbi kabia.

Miqueas 2:13

Gâd bui witin nani ai yabalka ba param sâkbia, witin nani bui nina blîkbia, bara tawan dimaika bâk taki wabia. Dawan, ai kingka ba, witin nani tâura aimaki impakbia.

Kli Smalkanka 9:3

“Nanara kaikaia sma, Dawan Gâdkam man nani mamwanra wapisa pauta ami sasauhkra kum baku, man nani mamwanra baha nisanka nani ra sauhkbia. Bara man nani mita nakra klipan kumi ra kangbi sâkma, Dawan baku pramis daukan.

Jasua 10:8

bara Dawan Jasua ra win: “Witin nani ra si bripara, kan yang bui witin nani ba mihtam ra mangkamni, bara witin nani kumi sin mampara buaia karnika âpu kabia.”

Jasua 7:13

Bus bara upla nani sut paiws balbia. Witin nani ra wis upla sut ridi takbia yauhka yang maiwanra bal buaia. Yang Dawan, Israel Gâdka, yang naha bîla nani man nani ra aisaia brisna: ‘Man, Israel, diara sut sauhki âpu tikaia kapram ba dukia nani ba wina diara nani briram, bara baha dukia nani ba sut sauhki lulki swiras kama kaka, waihlam nani mapara sip buma apia.’

Wihta Nani 19:28

Witin ai mairka ra win: —Bus, kaisa yawan mahka waia. Sakuna mairin ba pana diara aisaras kan. Bara witin ai maya wîna tara ai birikuka ra suni bara mahka ai yabalka ra impakan ai watla alkaia.

Wihta Nani 4:10

Bahara Barac bui Zabulón bara Neftalí kiamka nani ba paiwan, bara suldiar nani 10,000 waitna asla dauki, baha wihtka aimakan. Bara Débora sin witin wal wan.

Wihta Nani 7:9

Baha tihmika Dawan Gedeón ra win: “Bus, il bîla ra iwi was, Madián uplika nani ba wal aiklas, witin nani ba man nani mihtam ra mangkuna bamna.

1 Samuil 9:26

bara Saúl mahka yapan. Titan ra Samuil bui Saúl ra winan witin kau buras kan bamna: —Bus bara yabalkam ra impaks. Saúl buan bara witin nani wâlsut tawan yabalka ra taki wan,