Wihta Nani 3:9 - DAWAN BÎLA AISKA

⁹ witin nani Dawan ra ai pura sunan ba kat Dawan, upla kum sakan witin nani ba pri sakaia. Naha nani swaki sasakrika yaban ba nina sika Otoniel, Quenaz luhpia, Caleb muihnika sirpika ba.

Wihta Nani 3:9 ပူးပေါင်းရင်းမြစ်များ

Nihimaya 9:27

Baha mita man bui witin nani ra sin ai waihla nani mihta ra mangkram, waihla nani mita taibi kan. Witin nani ai pâtka saura wahwan bara man ra winan, bara man, laih kasbrika ba wina, witin nani ra umpira kaiki walram; bara tâ uplika nani yaram tataibra nani ba karnika wina pri sakaia.

Lawana Nani 22:5

Witin nani hilpkam makaban bara man bui witin nani ra swaki sakram; man kat mai kulki kan, witin nani swira daukras katma.

Lawana Nani 78:34

Gâd mita iki tikan, bâra lika witin ra plikan, witin ra kli bal plikan wapras kira pali.

Jasua 15:17

Tawanka pura luan ba lika Otoniel luhpia diwra, Quenaz luhpia ba, bara Caleb bui ai luhpia mairin Acsa witin wal maya baikan.

Wihta Nani 1:13

Bara Caleb muihnika sirpika nina Quenaz, Otoniel luhpia, Debir tawanka ba aiklabi pura luan, bara Caleb ai luhpia mairin Acsa ba Otoniel wal maya baikan.

Wihta Nani 10:10

Bara baha piua kat Dawan hilpka makabi ai pura sunan. Witin nani naku Dawan ra makaban: “Dawanki, yang nani mampara saura daukri, kan yang nani bui man ra mai lulki mai swiri, gâd bahki kuninkira nani ra puri suni mayunaia dukiara.”

Wihta Nani 2:16

baha tilak witin nani ai tâ uplika wihta nani brin dauki kan, âimplikra nani ai dukia ai mihta dakbi ba wina pri sâkbia dukiara.

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.

Wihta Nani 3:15

witin nani kli Dawan ra ai pura sunan ba kat, bara Dawan kli upla wala sakaia kan witin nani ba pri sakaia. Bara Dawan Ehud ba sakan baha pri sasakra baku, witin ba diara ai mihta smihka ni dauki kan, witin ba Guerá luhpia, Benjamín kiamka wina kan. Yu kumi, Israel luhpia nani ba Ehud kingka Eglón ra blikan wan, witin nani ai lal mana aibapaia lalahka ba.

Wihta Nani 3:8

Baha tâwan Dawan ai kupia sauhkan bara witin nani ba Mesopotamia kingka Cusán-risataim mihta ra mangkan. Mani 8 Israel luhpia nani Cusán-risataim warkka dauki kan,

Wihta Nani 4:3

Jabín lika war waginka ayan ni daukan ba 900 bri kan, bara witin bui Israel luhpia nani ra 20 mani saura pali rausauhki kan, sakuna Israel luhpia nani baha piua kat kli Dawan ra ai pura sunan, bara Dawan bui witin nani ra hilp munan.

Wihta Nani 6:7

Israel luhpia nani Dawan ra ai pura sunan Madián luhpia nani mihta wina dakbi pri sâkbia,

1 Samuil 12:10

Sakuna tisku witin nani Dawan mawanra ai tânka brin, Baal bara Astarté lilka nani ra ai pura suni kan ba saura dauki kan. Witin nani pramis taki Dawan ra ai pura sunan, Dawan ra baman mayuni ai pura suni kaia.