Wihta Nani 3:3 - DAWAN BÎLA AISKA

³ Filisteo nani wihtka nani matsip ba takaskan, Kena uplika nani ba sut, Sidón uplika nani bara heveo nani Líbano ilka ra iwi kan ba, Baal-hermón ilka wina Hamat ra dimi waia yabalka ba kat.

Wihta Nani 3:3 ပူးပေါင်းရင်းမြစ်များ

Blasi Sturka 49:13

“Zabulón lika kabu un tasbaya nani ra iwbia, kabu dwarka tara nani un ra praki wilkaika nani ra. Sidón tasbaya piarkika ba kat witin ai tasbaya piarkika bri kabia.

2 Samuil 24:7

Baha wina lika Tiro kan kahbaika pliska bri kan ba ra wan, heveo nani bara Kenan uplika nani tawanka bâk, ban Juda waupasa tanik Beerseba ra wan.

1 King Nani 8:65

Baha piua ra, Salaman bara Israel luhpia nani upla ailal nani dihwan ba balan kan, Hamat ra dimaika ba wina Idsip tingnika ba kat, Dawan Gâd mawanra bal, Utla Papakni liliaka ba daukan. Baha ningkara kli yu 7 liliaka wala daukan, asla lika yu 14 lilia dauki kata.

1 King Nani 9:20

Upla nani naha tawanka ra kau takaskan ba, amorreo nani, hitita nani, ferezeo nani, heveo nani bara Jebús uplika nani atia kata, baha nani Israel luhpia nani apia kan ba.

Isikiel 47:20

“Muna tani piarkika ba Mediterráneo kabuka, Idsip piarkika wina kabu un Hamat dimaika mawanra yaba kat.

Kulki Kaikanka 13:29

Amalec uplika nani Négueb tani ra iwisa, hitita nani, Jebús uplika nani bara amorreo nani ba sin il tani ra iwisa, bara kabu tani ra lika Jordan awala lamara Kenan uplika nani iwisa.

Kulki Kaikanka 34:8

bara baha wina Hur ilka bâk Hamat ra dimaia ba kat auya, ningkara Sedad kat.

Kli Smalkanka 1:7

Dukiam nani sut wahbi lamam ra brih amorreo nani tasbaya ra, il nani tilara man nani was: Arabá ra, il nani tilara, twi langnika ra, Négueb ra, kabu un ra, Kenan uplika nani kuntrika ra, Líbano ra bara kau kainara Éufrates awala tara ba kat.

Kli Smalkanka 3:9

(Baha ilka nina ba Sidón uplika nani bui Sirión mâki kan, amorreo nani bui lika Senir mâki kan.)

Jasua 11:19

Tawan kumi baman Israel luhpia nani wal ai lâka daukan ba lika, heveo nani Gabaón wina. Sakuna wala nani sut lika, ai karnika ni brin,

Jasua 11:3

ban Kenan uplika nani lalma tani ra bara muna tani ra tawanka nani ra, amorreo nani, hitita nani, ferezeo nani, Jebús uplika nani il nani tasbaya ra iwi ba, heveo nani, Hermón ilka ra, Mispá tasbaya aiska ra king nani sut bâra iwi nani ba ra baha nani wal ai bîla blikan.

Jasua 13:3

baha sika Sihor awala wina auya ba, Idsip lalma ra, Ecrón piarkika kat baha yahbra tani ra, baha lika Kena uplika nani tasbaya kulkisa, bahara wihta nani matsip bâra sa, baha nani sika Gaza, Asdod, Ascalón, Gat bara Ecrón wihtka nani. Aveo nani tasbaya pîska nani sin takaskan

Jasua 13:5

Purkara guiblita nani tasbaya takaskan ba, Líbano lalma tani sin, Baal-gad, Hermón ilka playa kat, ban Hamat dimaika kat.

Jasua 19:28

baku ba ra Abdón wal prakan, Rehob, Hamón bara Caná kat, ban Sidón tawanka tara pali ba kat.

Jasua 9:7

Israel luhpia nani bui heveo nani ra pana win: —Man nani ba naura yang nani tawanki lamara iwisma baku mai kaikisna; ¿bara yang nani nahki man nani wal lâ daukamna?

Wihta Nani 10:12

Sidón uplika nani, Amalec uplika nani bara Madián uplika nani sut ba man nani ra mai taibi mai bri kan; sakuna man nani bui yang ra karna winram ba ra, baha mihta wina pri mai sakri.

Wihta Nani 10:7

Witin nani Dawan ra mayunras lulki swin ba mita, Dawan sin witin nani ra ai kupia sauhkan, bara filisteo nani bara Amón uplika nani lâka munhtara swin.

Wihta Nani 14:4

Sakuna ai aisika bara ai yaptika sin baha tânka briras kan, Dawan mita Samson ra baku daukaia mariki bri tauki kan ba. Dawan baku ai yabalka pliki kan ba, baha tâka bâk filisteo nani mapara aiklabaia, kan baha piua Israel luhpia nani ba filisteo nani lâka munhtara taibi bri kan.

Wihta Nani 18:7

Baha wina waitna nani matsip ba, mahka Lais tawanka tânka pliki kaikaia wan. Witin nani kaikan Lais uplika nani ba Sidón uplika nani iwi ba baku iwi kan, kupia kumi lâka ra, sâp lâka ra, upla wala nani wal war aiklabras kan, witin nani dîa want ba sut bri kan bara diara luha apia kan. Sidón uplika nani wina sin laihura iwi kan, kiamka wala nani ba wal aikuki sin bisnis briras kan bara bisnis daukras kan.

Wihta Nani 3:2

Dawan bui witin nani ba ban bâra swin kan, baha nani kau war aiklabaia lan apia kan ba ra baha nani wal war aiklabi lan takaia dukiara.

Wihta Nani 4:2

bara Dawan ba kli witin nani king Jabín mihta ra mangkan. Jabín ba Kena uplika nani kingka kum kan, Hasor tawanka tara ba wihta aimaki kan. Ai suldiar nani wihtka tara ba nina Sísara mâki kan, bara Haróset-goím tasbaya ra iwi kan.

1 Samuil 13:5

Filisteo nani sut asla takan, Israel luhpia nani wal aiklabaia. War aiklabaia waginka 30,000 brin, 6,000 aras âiulra nani, upla ailal auhya mâ baku. Witin nani Micmás ra aiklabaia ai kiampka bapan, baha lika Bet-avén lalma tani ra.

1 Samuil 29:2

Filisteo war wihtka nani ba ai daknika tara bara dakni sirpi nani ra taki balan, ningkara Debit ai uplika aikuki Aquís wal taki balan.

1 Samuil 6:16

Filisteo wihtka tara nani matsip ba Israel luhpia nani dîa daukan ba sut kaikan ningkara, baha yua witin nani kli tawi Ecrón ra wan.

1 Samuil 6:18

bara gul matiska matsip ba sin wihta tara nani matsip tawanka tara nani karnakira bri kan ba tukinka kan, tawan sirpi nani dukiara sin. Bet-semes ra baha walpa tara kata ba, Dawan lâ auhbaia watla ba, baha purara kahbata ba, Jasua bahara iwi kan, baha walpaya naiwa kat ban bâra sa.

1 Samuil 6:4

Filisteo nani makabi walan: —¿Yawan dîa prisantka yaia sa wan saurka mana? Prîska nani ba win: —Yukri lilka puskan matsip gul ni daukaia, matis sin matsip gul ni daukaia, bara filisteo wihtka bani ra kum yabaia, kan wihta tara nani bara man nani sut baha sikniska ba mai alkan bamna.