Wihta Nani 2:5 - DAWAN BÎLA AISKA

⁵ Baha mita baha tasbaya nina ba Boquim mâkan, bahara witin nani sakripais dauki, Dawan ra mayunan bamna.

Wihta Nani 2:5 ပူးပေါင်းရင်းမြစ်များ

Blasi Sturka 35:8

Débora, Rebeca main kakaira mairin kata ba sin, bahara pruan, bara witin nani Betel lamara usupum kum munhtara witin ba bikan. Bara usupumka tasbaya nina ba “Inanka Usupumka” mâkan.

Jasua 7:26

Angkan ba ningkara, witin yamhpuska ba purara walpa nani ailal paski swin. Baha walpaya paskanka tara ba, naiwa kat ban bâra sa. Baha tâwan baha ilka bîla ba nina mâkan Acor. Baku daukan ba kat, Dawan kupia baiwanka ba Israel luhpia nani mapara lamni takan.

Wihta Nani 13:19

Bara Manoa guts lupia ba, plun mâ nani sin wiria brin ba ra, walpa kum purara suni sakripais angkan Dawan mawanra. Bara Dawan diara aihkakira daukan, Manoa ai maya wal bâra bûi kaiki kan ba ra.

Wihta Nani 2:1

Dawan insalka ba Guilgal wina Boquim ra wan, bara Israel luhpia nani ra win: “Yang lika Idsip wina man nani mai sakri, bara naha tasbaya kat mai bri balri, man nani damikam nani ra yabaia pramis munri ba. Bara witin nani ra wîri: ‘Man nani wal yang lâika daukri ba, yang kli bîli wala lakamna apia,

Wihta Nani 2:4

Dawan insalka ba aisi swin ba ra, Israel luhpia nani sut ba ai kârma kalki mahka inan.

Wihta Nani 2:6

Jasua ba Israel luhpia ba lakula dauki swin, bara kumi bani mahka wan baha tasbaya witin ai dukia briaia kan ba ra.

Wihta Nani 6:24

Bara Gedeón baha tasbaya ra altar kumi paskan, bara Dawan ra pain kulkan lâka yabaia bahara ai pura sunan, bara altar nina ba ‘‘Dawan ba kupia kumi lâka’’ mâkan. Naha altarka ba naiwa kat Ofrá ra kau ban bâra sa, baha lika Abiézer masraka nani tawanka tara ba.

1 Samuil 7:9

Sîp lupia kum kau tiala di ba Samuil brin, bara aiska angki sakripais dauki, Israel luhpia nani tâwan Dawan ra makabi ai pura sunan, bara Dawan pana witin ra walan.