Wihta Nani 2:4 - DAWAN BÎLA AISKA

⁴ Dawan insalka ba aisi swin ba ra, Israel luhpia nani sut ba ai kârma kalki mahka inan.

Wihta Nani 2:4 ပူးပေါင်းရင်းမြစ်များ

Esdras 10:1

Esdras Gâd tempelka ra dimi aisi ai pura suni ai dahra saki kan ba ra, ai lula kriki ai mawan ra kauhi ini, baha dauki kan ba ra Israel luhpia nani dakni kum taki, ai lamara wan: waitna, mairin bara tuktan nani, baha nani sin ai kupia wirha pali ini banhwi kata.

Sins Lâka 17:10

Diara tânka luki pliki ba uplika ra lawi daukanka ba lika, kupia ra kau diara yamni nani dimisa; sinskas taya ra aima handat kum prukma sin, ai kupia ra diara dimras.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Luk 6:21

“Liliam bas, man nani nanara plun mai dauki ba, kan man nani âuyapah takma bamna. “Liliam bas man nani nanara inisma nani ba, kan ningkara kiki banhwi kama bamna.

Luk 7:38

Mairin ba ini Jisas lamara wih, witin mina nani ra ai nakra laya ni buskan. Ningkara, ai tâwa ni dikan, kiawalan, batana kîa pain ba ni sin yukan.

2 Korint 7:10

Bahamna sarka lâka kum Gâd mita pain kaiki ba tânka kat sa kaka, baha lika kupia lakan ba tânka kum swaki sakan lâka wina aula ba; bara baha mita sari kaia apia sa. Sakuna sarka lâka kum naha tasba wina sa kaka, baha lika prura paskisa.

Jems 4:9

Man nani sari taks, ini yahwi bas; kikisma ba yarka inan lâka ra tawbia, lilia lâka ba sari ra tawbia.

Wihta Nani 2:3

Baha mita nanara yang bui man nani ra mai wisni: Baha uplika nani ba man nani mamwan wina kangbi sakamna apia, witin nani aidulka nani ba sin man nani minam prukaika nani kabia.”

Wihta Nani 2:5

Baha mita baha tasbaya nina ba Boquim mâkan, bahara witin nani sakripais dauki, Dawan ra mayunan bamna.

1 Samuil 11:4

Bîla twatwilkra nani ba Guibeá ra wan king Saúl tawanka ra, bara sturka ba upla sut kiama ra aisin, upla nani baha walan ba ra, sarikira pali ai bîla baikra tara inan.

1 Samuil 7:6

Israel luhpia nani Mispá ra aidruban, bara lî panhki Dawan mawanra tasba ra laikan, prisant kum yabi ba natka kat. Baha yua witin kaiki plun piras, bara ai saurka Dawan mapara daukan ba dahra aisi sakan. Baha yua wina Samuil sin Israel luhpia nani wihtka aimakan.