Wihta Nani 2:22 - DAWAN BÎLA AISKA

²² Dawan kaikaia brin dauki kan witin baha baku daukan ba wal, naha uplika nani na Dawan yabalka ra tawi wapbia sapa, blasi piua ra ai damika nani wapan ba baku.

Wihta Nani 2:22 ပူးပေါင်းရင်းမြစ်များ

Blasi Sturka 22:1

Baha diara nani taki luan ba ningkara, Dawan ba Ebraham kasakka lukanka lâka ba kaikaia mata, traika kaikanka kum daukan. Witin ai nina mâki winan, bara Ebraham pana witin ra win: —Yang nâra sna.

2 Kronikas 32:31

Baku takan kata Babilon ra sin, baha nani ai tâ uplika nani blikan wan ba piua ra, bara sin bal win kan nahki sain aihka tara kum takan ba baha tawanka ra. Bara Dawan bui Ezequías ra yakan swin, witin ai kupia mununhta ba kaikaia bara dîa luki ba sin kaikbia dukiara.

Job 23:10

Mini lulkanka bani witin kaikisa, tâinka pliki kaikbia kaka, aihwa kamna gul aihwa ba wal baku.

Lawana Nani 66:10

Wan Gâdka, man mita wan tânka laki kaikaia swiram sa, ¡silbar klin daukan ba baku sunu wan daukisma!

Impakan Sturka 15:25

Moses bui Dawan ra ai pura sunan, bara Dawan mita witin ra dus sirpi nani pâwi ba kum marikan. Bara Moses baha dusa brih bara laya ba ra lulkan, bara laya ba damni takan. Bahara Dawan bui witin nani ai tânka ba trai munan. Witin nani dukiara lâ kum mangki yaban wan ai rayaka ra nahki iwaia lâka ba.

Sins Lâka 17:3

Gul bara silbar ba pauta ra angki kaikisa; sakuna upla lukanka ba lika, Dawan mita laki kaikisa.

Kli Smalkanka 13:3

man nani bîla walpara. Kan Dawan Gâdkam man nani ra traikam kaikaisa man nani ba kupiam aiska bara sulkam aiska kira witin ra latwan kaikisma sapa.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

Wihta Nani 2:23

Baha mita Dawan baha nisanka nani ba kangbi sakras, bara ban swin Jasua mihta ra kau mangkras nani kan ba, sakuna ban swin witin nani baha tasbaya ra iwi kaia.