Wihta Nani 2:2 - DAWAN BÎLA AISKA

² bamna man nani naha uplika nani naha tasbaya ra iwi ba ra witin nani ai lâka ba wal kupia lâka daukma apia, sakuna ai altarka nani ba slingbi tikma.’ Sakuna man nani bui yang bîli walras, ¡bara nanara kaiks dîa daukram ba!

Wihta Nani 2:2 ပူးပေါင်းရင်းမြစ်များ

Blasi Sturka 12:18

Bara king fero Ebram ra paiwan balan bara win: “¿Naha na dîa kan man baku yang ra ai daukram na? ¿Dîa kan man param ai wiras kapram mairka na man maritkam ba?

Blasi Sturka 4:10

Bara Dawan bui witin ra win: —¿Man dîa daukram? ¡Tasba wina man muihkam tâlia bîla baikra ba, yang ra ai winisa!

Impakan Sturka 32:21

Baha ningkara Eran ra win: —¿Upla nani na mita dîa mai munan kan, naku yaram witin nani saura tara kum dauki banhwan na?

Jirimaya 2:18

Bamna nanara, ¿dîa brinka brisma Idsip ra waia Nilo awala wina lî diaia? ¿Dîa brinka brisma Asiria ra waia Éufrates awala wina lî diaia?

Jirimaya 2:36

¿Dîa muni sringkam sma man wal kupia kumi takan nani ba swi si wala plikisma? Idsip sin mai swibia, Asiria pat mai swin ba baku.

Jirimaya 2:5

Dawan aisisa: “¿Almukkam nani ba dîa saura daukri ai kaikan, baha tâwan yang wina laihura taki wan ba? Gâd apia diara bahki nani ba ninara witin nani wan, bara witin nani sin baku diara bahki takan.

Kli Smalkanka 7:16

Dawan Gâdkam man nani mihtam ra mangkuya tawanka ba âpu daukma. umpira kaiki witin nani gâdka ra mayunpara, kan baha ba man nani âpu daukras kama kaka, man nani ra ni âpu mai daukbia.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

Jasua 9:7

Israel luhpia nani bui heveo nani ra pana win: —Man nani ba naura yang nani tawanki lamara iwisma baku mai kaikisna; ¿bara yang nani nahki man nani wal lâ daukamna?

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?

Wihta Nani 2:20

Ba mita Dawan ba Israel luhpia nani ba mapara ai kupia sauhki, bara win: “Naha uplika nani na ai damika nani wal yang lâ daukri lâka ba krikisa, witin nani lika yang bîli wali daukras.

Wihta Nani 6:10

Bara yang bui man nani ra mai wîri, yang sika man nani Dawan Gâdkam. Bara man nani amorreo nani gâdka ba sîa briaia apia sma, witin nani ai tasbaya ba ra man nani iwaia sma; sakuna man nani bui yang bîli walras sma.’ ”

Wihta Nani 6:8

bara Dawan bui witin nani ra ai prapitka kumi saki blikan, bara prapit ba witin nani ra win: “Dawan, Israel Gâdka ba, naku wisa: ‘Man nani Idsip ra alba iwi kapram, bara yang mita baha wina man nani mai sakri;

Wihta Nani 8:27

Baha gulka nani ba Gedeón brih, prîs prâka ‘‘efod’’ paskan, bara witin ai tawanka Ofrá ra bri si, watla kum dauki baha bilara mangki swin, upla sut kaiki kaia. Bara Israel luhpia nani sut baha aidulka ra kaiki ai pura sunan, bara Dawan ra lika ai pura sunras kan. Bara baha ba Gedeón bara witin ai watla bilara ai luhpia nani sut mapa ra, mina alkaika kum takan.