Wihta Nani 2:16 - DAWAN BÎLA AISKA

¹⁶ baha tilak witin nani ai tâ uplika wihta nani brin dauki kan, âimplikra nani ai dukia ai mihta dakbi ba wina pri sâkbia dukiara.

Wihta Nani 2:16 ပူးပေါင်းရင်းမြစ်များ

2 Samuil 7:11

Upliki Israel nani pura wihtka aimakaia nani sakri ba ra yang daukamna, bara man nani kaikma waihlam nani wina pri mai sakri ba. Bara yang mamrikamna, man kiamkam nani maikamna ba,

Nihimaya 9:27

Baha mita man bui witin nani ra sin ai waihla nani mihta ra mangkram, waihla nani mita taibi kan. Witin nani ai pâtka saura wahwan bara man ra winan, bara man, laih kasbrika ba wina, witin nani ra umpira kaiki walram; bara tâ uplika nani yaram tataibra nani ba karnika wina pri sakaia.

Apastil Nani Sturka 13:20

Baha takan 450 mani prais bilka ra. “Baha ningkara tâ bri nani ba wihta ra mangkan, Samuil yua nani ba kat.

Wihta Nani 10:1

Abimélec ningkara, Isacar kiamka wina kli waitna wala kum bal takan nina Tolá, witin aisika nina ba Puá, damika nina ba Dodó; witin buan Israel luhpia nani ba pri sakaia dukiara. Tolá Samir ra iwi kan, Efraín ilka nani tilara,

Wihta Nani 11:32

Jefté Amón uplika nani tasbaya kutbi alki brin bara aiklaban, bara Dawan bui witin ra pura luaia karnika ba yaban.

Wihta Nani 3:15

witin nani kli Dawan ra ai pura sunan ba kat, bara Dawan kli upla wala sakaia kan witin nani ba pri sakaia. Bara Dawan Ehud ba sakan baha pri sasakra baku, witin ba diara ai mihta smihka ni dauki kan, witin ba Guerá luhpia, Benjamín kiamka wina kan. Yu kumi, Israel luhpia nani ba Ehud kingka Eglón ra blikan wan, witin nani ai lal mana aibapaia lalahka ba.

Wihta Nani 3:31

Baha ningkara wihta wala aimakan ba Samgar, Anat luhpia, witin bui filisteo nani 600 ikan ba bîp wainhka kmakmaya kum wal. Samgar sin Israel luhpia nani ba pri sakan.

Wihta Nani 4:5

Débora ai natka bri kan sila dusa munhta distika ra iwi kaia (baha ba mâki kan ‘‘Débora sila dusa’’), baha lika Efraín ilka nani ra bâra kan, Ramá bara Betel wal bilka ra, bara Israel luhpia nani ba Débora ra wan unsaban ba dahra wiaia, bara lâka ba wapni daukaia.

Wihta Nani 6:14

Dawan insalka ba witin ra kaiki, bara witin ra win: —Karnika brisma bara bûi mahka diara dauks, Israel luhpia nani ba Madián uplika nani mihta wina swaki sakaia. Yang bui man mai blikisni bâra waia.

Rut 1:1

Israel wihtka nani bui tâ bri kan ba piua ra, plun tiwan tara bâra kan tasba aiska ra. Bara Betlehem waitnika kum Juda tasbaya wina bal iwan, nina ba Elimélec, piua prahni kum Moab tasbaya ra takaskaia wan. Witin ai maya Noemí bara ai luhpia waitna nani Mahlón bara Quilión aikuki wan. Witin nani sut lika tawan almuk Efrata uplika kan, baha ba Betlehem Juda tasbaya kata. Bara witin nani Moab tasbaya ra bal takaskan.

1 Samuil 12:11

“Bara baku Dawan ba Jerubaal, Barac, Jefté bara Samuil sin blikan, waihlam nani karnika wina dakbi mai sakaia; bara baku naiwa man nani nâra âmyapah iwaia sip sma.

1 Samuil 14:48

Aiklaklabra daknika kum ridi daukan bara aiklabi Amalec uplika nani ra pura luan, bamna baku âimplikra nani mihta wina pri sakan.