Wihta Nani 2:13 - DAWAN BÎLA AISKA

¹³ Witin nani Dawan ba swin, Baal lilka bara Astarté lilka sât sât nani ra ai pura sunaia dukiara,

Wihta Nani 2:13 ပူးပေါင်းရင်းမြစ်များ

1 King Nani 11:33

Witin bui yang ba ai swin bara Sidón nani gâdka Astarté ra ai pura suni mayunan, Moab uplika nani gâdka Quemós ra, bara Amón uplika nani gâdka Moloc ra sin. Bara yabalki nani ra wapras, diara wapni daukras naikra nani ra, bara lâika bîla nani sin kulkras, ai aisa Debit daukan ba baku.

1 King Nani 11:5

Salaman lika Sidón nani gâdka bahki Astarté ra nina blikan, baku sin Milcom, Amón uplika nani gâdka saura pali kulkan ba ra sin nina blikan.

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

2 Kronikas 12:2

Baha nani lukras kan Dawan ra, bara king Roboam ai kingka lâka mani matsip bri kan ba ra, Sisac, Idsip kingka ba, war daukan Jerusalem mapara,

2 Kronikas 28:3

bara Ben-hinom il langnika ra sakripais dauki dus mâka kîa nani angkan, saura dadaukra nani Dawan mita Israel luhpia nani mawan wina kangbi sakata ba.

2 Kronikas 33:3

idan nani gâdka bahki watla ai aisika Ezequías sauhki tikan kata ba, kli paskan; Baal altarka kata ba paskan, Aserá lilka nani sin kli daukan; baha sut purkara slilma nani kasbrika purara ba ra mayuni priaska daukan.

2 Kronikas 7:22

Bara witin nani pana aisi wibia, witin nani ai aisika nani Dawan Gâdka Idsip tasbaya wina witin nani sakan ba lulki swin ba mita, bara upla wala gâdka bahki nani ra tawan bara mayunan ba tâwan sin; baha mita naha saurka lâka sut na witin nani purara bri balan.”

Lawana Nani 106:36

idan aidulka nani ra mayunan, baha nani tâka sika sauhki tikan ba;

Jirimaya 16:11

Bara man bui witin nani ra wis: ‘Dawan kasak aisisa: Damikam nani ba yang ai swin bara gâd wala nani ninara wan, baha nani ra ai pura suni mayunan, baha mita sika baku taki ba; ai lulkan, witin nani diara daukaia smalkri ba sin daukras.

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Kulki Kaikanka 25:3

Bara baku ban swin, Baal-peor mayunaia lâka ba mita raski brih wan. Bamna Dawan lawan Israel luhpia nani mapara,

1 Korint 8:5

Bamna, kasbrika purara kra, tasba ra kra, gâd nani wi ba bâra kabia kra, bara baha tânka ra gâd ailal, dawan nani sin ailal bâra sa;

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.

Wihta Nani 2:11

Sakuna Israel luhpia nani daukanka nani ba, Dawan nakra ra saura pali baman kata, kan witin nani mahka Baal lilka sât sât nani ra mayunan.

Wihta Nani 3:7

Israel luhpia nani daukanka ba Dawan bui saura kaikan, witin nani Dawan ra ai âuya tiki si, Baal bara Astarté ra ai pura suni kan.

1 Samuil 12:10

Sakuna tisku witin nani Dawan mawanra ai tânka brin, Baal bara Astarté lilka nani ra ai pura suni kan ba saura dauki kan. Witin nani pramis taki Dawan ra ai pura sunan, Dawan ra baman mayuni ai pura suni kaia.

1 Samuil 31:10

Saúl aiklabaika dukia nani sut Astarté tempelka ra brih wan bara wîna tara ba Bet-seán kutbanka ra pami swin.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”