Wihta Nani 2:11 - DAWAN BÎLA AISKA

¹¹ Sakuna Israel luhpia nani daukanka nani ba, Dawan nakra ra saura pali baman kata, kan witin nani mahka Baal lilka sât sât nani ra mayunan.

Wihta Nani 2:11 ပူးပေါင်းရင်းမြစ်များ

Blasi Sturka 13:13

Ban sakuna, Sodoma uplika nani ba upla saura pali kan, saurka lâka tara nani Dawan mapara dauki kan.

Blasi Sturka 38:7

Sakuna Er rayaka tânka ba Dawan mawanra saura kan. Dawan bui witin ra yamni kaikras kan, bamna ai rayaka ba tasba wina sakan.

1 King Nani 11:5

Salaman lika Sidón nani gâdka bahki Astarté ra nina blikan, baku sin Milcom, Amón uplika nani gâdka saura pali kulkan ba ra sin nina blikan.

1 King Nani 18:18

Bara Ilayas win: —Yang apia trabil dauki ba, sakuna man bara uplikam nani wal, Dawan lâka nani ba swi si Baal nina ni bliki banhram.

1 King Nani 22:53

Baha purkara, Baal ra ai pura suni mayunan, ai aisa saura dauki kata ba baku. Bamna baku, Dawan ra kupia sauhkan, witinka Israel Gâdka ba.

2 Kronikas 28:2

sakuna Israel kingka yabalka nani ba alkan, bara sin bras ni lilka nani paskan Baal lilka ba,

2 Kronikas 28:3

bara Ben-hinom il langnika ra sakripais dauki dus mâka kîa nani angkan, saura dadaukra nani Dawan mita Israel luhpia nani mawan wina kangbi sakata ba.

2 Kronikas 33:6

Bara ai luhpia nani sakripais angkan Ben-hinom langnika ra, pirit nani ra wih ai pura sunan, yapi kaiki nani ra wan, diara kaiki nani ra wan pirit saura ra winaia, ai pura sunaia lâka bukan, sukia lâka nani daukan. Ai daukanka Dawan saura pali ba Dawan nakra ra daukan, Dawan kupia baikaia dukiara.

Esdras 8:12

Johanán, Hacatán luhpia waitna, Azgad kiamka tila wina, 110 waitna nani witin wal balan;

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Lawana Nani 78:56

Sakuna witinka mapara bûi Gâd Laih Purara iwi ba ra traika kaiki banhwata, ai adarka mangkan bîla nani sin walras kan;

Jirimaya 11:10

Ai damika nani saura daukan, saurka ba witin sin daukan, damika nani ba bîli wali daukaia apia win, bara gâd wala nani ninara wan, baha gâdka nani ra mayunan. Israel luhpia nani bara Juda uplika nani sin damika nani wal lâ daukri lâka ba krikan.

Jirimaya 16:11

Bara man bui witin nani ra wis: ‘Dawan kasak aisisa: Damikam nani ba yang ai swin bara gâd wala nani ninara wan, baha nani ra ai pura suni mayunan, baha mita sika baku taki ba; ai lulkan, witin nani diara daukaia smalkri ba sin daukras.

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Jirimaya 2:23

¿Man nahki ai wima: ‘Yang tâski takras gâd bahki nani ra sin mayunras’? Il bîla ba ra kaiks man tânkam daukram ba, man dîa sut daukram ba bâra sa kiamil mairin wainhka pliki plapi taukan baku taukram ba, tnaya bani ra;

Jirimaya 32:23

Sakuna witin nani baha kuntrika ra dimi tasbaya ba brin ba ra, man bîlam walras takan, lâ nani smalkram ba daukras, wark nani daukaia wiram ba sin daukras. Baha mita man bui witin nani ba rausauhkaia blikram.

Jirimaya 9:14

Witin nani lal karna, dîa ai kupia ra lukan ba kat daukan, gâd apia nani ra mayunan, ai damika nani dîa witin nani ra smalkan ba baku daukan.

Kulki Kaikanka 25:3

Bara baku ban swin, Baal-peor mayunaia lâka ba mita raski brih wan. Bamna Dawan lawan Israel luhpia nani mapara,

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

Kli Smalkanka 4:25

“Man nani luhpiam bara mulam nani brima piua ra, bara naha kuntrika ra almuk kama ba ra, lilka bahki nani paski dauki baha ra ai pura sunbia kaka baku saura dauki, Dawan Gâdkam kupia sauhki kama.

Wihta Nani 10:10

Bara baha piua kat Dawan hilpka makabi ai pura sunan. Witin nani naku Dawan ra makaban: “Dawanki, yang nani mampara saura daukri, kan yang nani bui man ra mai lulki mai swiri, gâd bahki kuninkira nani ra puri suni mayunaia dukiara.”

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.

Wihta Nani 13:1

Sakuna Dawan kaikan Israel luhpia nani ba kli saura daukan, bara Dawan sin witin nani ba kli filisteo nani mihta ra mangkan 40 mani rausauhki kan.

Wihta Nani 3:12

Israel luhpia nani Dawan mawanra kli saura daukan. Baha tâwan, Moab kingka Eglón ra Dawan wina Israel luhpia nani purara karnika alkaia yaban.

Wihta Nani 3:7

Israel luhpia nani daukanka ba Dawan bui saura kaikan, witin nani Dawan ra ai âuya tiki si, Baal bara Astarté ra ai pura suni kan.

Wihta Nani 4:1

Dawan kaikan Ehud pruan ba ningkara, Israel luhpia nani ba kli saura daukan,

Wihta Nani 6:1

Sakuna Israel luhpia nani daukanka ba Dawan nakra ra kli saura kaikan, bamna 7 mani witin nani ba kli Madián uplika nani mihta ra mangkan.

Wihta Nani 6:25

Baha tihmia pali ba Dawan Gedeón ra win: —Aisikam daiwra nani ba tila wina bîp wainhka kum bris, bara kli bîp wainhka wala kum sin bris 7 mani bri ba, bara aisikam Baal altarka bri ba slingbi sâks. Bara baha altarka lamara dus kum Baal lilka bapan ba bahara ai pura suni dusa ba sin daiki sâks,

Wihta Nani 8:33

Gedeón pruan ba ningkara, Israel luhpia nani Dawan ra mayunras kli swin. Baal lilka nani sât sât daukan bahara ai pura sunaia dukiara, bara Baal-berit ba witin ai gâdka bâk saki brin.

1 Samuil 12:10

Sakuna tisku witin nani Dawan mawanra ai tânka brin, Baal bara Astarté lilka nani ra ai pura suni kan ba saura dauki kan. Witin nani pramis taki Dawan ra ai pura sunan, Dawan ra baman mayuni ai pura suni kaia.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”

1 Samuil 7:4

Bara Israel luhpia nani gâd bahki nani lilka Baal bara Astarté nani bri kan ba saki lulkan, bara Dawan ra baman mayuni dukia daukan.