Wihta Nani 18:9 - DAWAN BÎLA AISKA

⁹ —Lais tasbaya aiska ba yang nani wapi kaikri, tasba painkira sa. Man nani mahka bûi impakaia sma. ¡Kaisa witin nani wal yawan aiklabaia waia! Man nani diara daukras nâra bahki baman iwi kapara. Yawan waia bara baha tasbaya uplika nani ba pura luaia sa.

Wihta Nani 18:9 ပူးပေါင်းရင်းမြစ်များ

2 Samuil 10:12

Kupiam lukra bri bas, wan kupia karna aiklabaia, wan nisanka nani ra luki, wan Gâdka tawanka nani ba ra sin lukaia. ¡Bara Dawan bui kau yamni kaiki ba kat wan daukbia!”

1 King Nani 22:23

Bara nanara pat nu sma Dawan mita man prapitkam nani bîla ra kunin aisaia piritka nani mangkan sa, bara Dawan ba wilin pali takan sa man puramra pât saura brih balaia.

1 King Nani 22:3

Bara Israel kingka ba mita ai wark uplika tara nani ra win: —Man nani kasak tânka brisma, Ramot Galaad tasbaya ba yawan wan dukia sa. ¿Dîa muni yawan mita diara daukras, Siria kingka mihta wina baha ba dakbi briaia?

Kulki Kaikanka 13:30

Bara Moses wali kan Caleb mita baha nani bîla prakan, bara win: —¡Kaisa, kaisa yawan wap, baha tasbaya dakbi briaia! ¡Yawan sip sa baha nani pura luaia!

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jasua 18:3

Bamna Jasua bui Israel luhpia nani ra win: “¿Dîa bîla kaikisma kau tasbayam briras, Dawan Gâdkam bui damikam nani ra yan ba?

Wihta Nani 18:10

Man nani baha tasbaya ra wama ba ra kaikma uplika nani ba diara tânka briras, ai kan kaikras, aihwakras sa, tasba tara brisa, diara sut aitani bâra brisa. Dawan tâm baikbia baha tasbaya briaia.

Wihta Nani 18:8

Bara waitna nani matsip ba kli tawi Sorá bara Estaol ra wan, ai uplika wala nani ba mita witin nani ra makabi walan: —¿Man nani impakankam ba dîa takan? Witin nani pana ai uplika nani ra win:

1 Samuil 4:9

Bamna filisteo nani ba naku aisin: “¡Aiklabaia dukia nani ba alki bris, kupiam karna waitna baku aiklas, Israel luhpia nani albika takmara sîa, witin nani ba man nani albikam takan ba baku!”