Wihta Nani 18:3 - DAWAN BÎLA AISKA

³ Micaías watla lamara Libait wahma kum kaikan, witin nahki sturi aisi kan ba. Bara witin nani wih makabi walan: —¿Ya bui man nâra mai bri balan? ¿Man dîa daukisma naha tawanka ra? ¿Dîa pliki nâra taukisma?

Wihta Nani 18:3 ပူးပေါင်းရင်းမြစ်များ

Blasi Sturka 27:22

Jekob ai aisika lamara wan, witin ra alki kaikaia mata. Bara Aisak aisin: “Bîla baikra na lika Jekob bîla baikra sa, sakuna klahkla nani na lika Isau klahkla nani sa.”

Aiseya 22:16

‘¿Man nâra dîa warkka nani brisma, apia kaka ya mita raitkam maikan sa ki, nâra man dukiam raiti kum paskaia unta kum daukaia, plis kum purara ba ra bara man ris briaia pliska kum paskaia walpa tara tilara?

Matiu 26:73

Kau naika mapa ra, bahara kan nani ba Pita lamara aidrubi bal, win: —Kasak pali, man sin baha nani tila wina kum sma, bîlam aisisma ba ra latan sa bamna.

Wihta Nani 12:6

witin ra makabi win “Shibolet” aisabia, bara “Shibolet” aisabia kaka, kan natka wala sip aisaras kata, bara witin nani uplika ba pliska ba kat alki iki kan, Jordan awala puswi luaika nani ba kat. Bara baha yua nani tilara Efraín uplika nani ba 42,000 baku bîla aisinka ba wina nu taki ikan.

Wihta Nani 18:2

Bahamna Dan uplika nani tila wina Sorá bara Estaol tawanka wal wina, ai uplika nani waitna tânka kau pain aihwa bri ba matsip saki, Efraín ilka nani tawanka biki kaikaia blikan; bara witin nani Micaías watla kat wan, tihmia baha watla ra yapan.

Wihta Nani 18:4

Libait ba witin nani ra win Micaías witin wal lâ nani daukan ba, bara nahki muni witin bâra prîs aimaki kaia lâka daukan ba sin win.