Wihta Nani 18:2 - DAWAN BÎLA AISKA

² Bahamna Dan uplika nani tila wina Sorá bara Estaol tawanka wal wina, ai uplika nani waitna tânka kau pain aihwa bri ba matsip saki, Efraín ilka nani tawanka biki kaikaia blikan; bara witin nani Micaías watla kat wan, tihmia baha watla ra yapan.

Wihta Nani 18:2 ပူးပေါင်းရင်းမြစ်များ

Blasi Sturka 42:9

Bara witin ai muihni nani dukiara yaprisauhkan nani kaikan ba ai kupia tanh krawan, bara witin nani ra win: —Man nani lika naha tasbaya tânka swapnika nani ba sâbi biki kaikaia balram. Biki kakaira nani atia sma.

Sins Lâka 20:18

Yawan daukaia luki paski ba wih wan kupia krauki ba wal praki alki, bara kasak paskisa; warbanka pain kum dauki warkka ba pain daukisa.

Kulki Kaikanka 13:17

Bamna Moses baha nani ba Kenan tasbaya ba tânka kaikaia blikan bara naku win: —Naha wina Négueb bâk lui was, bara baha wina il nani tilara uli was.

Luk 14:31

Baku sin, king kumi king wala mapara war aiklabaia sa kaka, witin mahka iwi luki kaikuya suldiar 10,000 ni sip kabia sapa wala 20,000 brih aula ba mapara wih aiklabaia.

Jasua 15:33

Twi tasbaya langnika nani wina naha nani yabata: Estaol, Sorá, Asná,

Jasua 19:41

Naha tasbaya ra kan ba Sora, Estaol, Ir-semes,

Jasua 2:1

Sitim wina Jasua bui waitna wâl saki Jeriko ra blikan, tawanka tânka ba pliki kaikaia. Baha waitnika nani ra witin naku win: “Man nani Jeriko tawanka tara ba ra was bara witin nani ba tânka pliki laki kaiki bal wan wima.’’ Witin nani wan, bara tihmia kum tawanka ba ra luaia dukiara rug mairin kum nina Rahab wi ba watla ra takaskan.

Jasua 2:2

Sakuna upla kum pat kaikan bara Jeriko kingka ra maisa pakaia wan bara witin ra naku win: —Israel luhpia nani wina, wan tasbaya tânka na pliki kaikaia balan.

Wihta Nani 13:2

Sorá tawanka ra, Dan kiamka nani tilara waitna kumi bâra kan nina ba Manoa, ai maya ba luhpa kumi sin briras kan, witin biarapara kan bamna.

Wihta Nani 13:25

Yu kumi Samson Dan kiampka ra kan, baha ba Sorá wihki Estaol wal lilapas ra bâra kan, bara Dawan spiritka mahka witin ra param taki kan.

Wihta Nani 16:31

Baku takan ba ra witin ai muihni nani bara ai taya nani bal ai wîna tara ba saki, Sorá wihki Estaol wal bilka ra bri si bikan ai aisika Manoa raitika ra. Samson 20 mani Israel luhpia nani wihta aimaki kan.

Wihta Nani 17:1

Efraín ilka nani tilara waitna kumi iwi kan, nina ba Micaías,

Wihta Nani 18:11

Sorá bara Estaol wina Dan kiamka nani 600 waitna war aiklabaia dukia pain brih taki wan,

Wihta Nani 18:13

Ai kiampka bapan ba wina, witin nani Efraín ilka tawanka nani ra wan, bara Micaías watla kat wan.

Wihta Nani 18:3

Micaías watla lamara Libait wahma kum kaikan, witin nahki sturi aisi kan ba. Bara witin nani wih makabi walan: —¿Ya bui man nâra mai bri balan? ¿Man dîa daukisma naha tawanka ra? ¿Dîa pliki nâra taukisma?

Wihta Nani 18:8

Bara waitna nani matsip ba kli tawi Sorá bara Estaol ra wan, ai uplika wala nani ba mita witin nani ra makabi walan: —¿Man nani impakankam ba dîa takan? Witin nani pana ai uplika nani ra win:

Wihta Nani 19:1

Israel kau king kumi sin âpu kan ba yua nani ra, Libait kum Efraín ilka nani ba wina kau laihura iwi kan ba, witin Betlehem Juda wina mairin kum ai maya baku brin.

Wihta Nani 19:18

Libait ba pana witin ra win: —Yang nani Betlehem Juda wina aulna, Efraín ilka nani tawanka kum kau laihura pali bâra ba bahara waia impakisna, yang nani bahara iwisna. Betlehem ra wari kan, sakuna nanara waitla ra kli waia bal auna.