Wihta Nani 17:5 - DAWAN BÎLA AISKA

⁵ Micaías ai watla ba pura sunaia watla bri kan. Witin sin prîs dimaia, ‘‘efod’’ pîska kum daukan, gâd bahki wala nani sin bri kan, bara ai luhpia waitna kumi ba sin prîs mangkan.

Wihta Nani 17:5 ပူးပေါင်းရင်းမြစ်များ

Blasi Sturka 31:19

Sakuna Labán sîp taya irbaia wisi ai sîpka daknika wala nani tilara taki wan kan, bara Raquel ai watla ra dimi, aidul nani bri kan ba impliki brih wan.

Blasi Sturka 31:30

Sakuna yang kaikisna man aisikam watla ra kli tawi wan pali mai daukisa, baha mita man mahka taki balram, ¿sakuna dîa muni man bui yang gâdki nani ba implikram?

1 King Nani 12:31

Idan nani ai pura sunaia watla nani sin mâkan, upla nani ba tila wina prîska nani sin mangkka, baha nani ba Libai daknika nani wina apia kan ba.

1 King Nani 12:32

Baha purkara, witin bui lilia tara piua kum mangkan kati 8 aimaki yua 15 ra, lilia tara Juda ra lilia tara dauki ba baku daukaia, bara king pali bui altarka purara sakripais nani daukan. Naha lika Betel ra daukan, bîp lilka nani paskan ba ra sakripais nani yabi, bara prîs nani sin ai warkka ra mangkan idan pura sunra pliska nani paskan ba dukiara.

Esdras 1:7

Bara king Ciro ba Dawan watla dukia nani king Nabucodonosor mita Jerusalem wina bri si ai gâdka bahki nani watla ra swin kan ba sin saki kli yaban.

Impakan Sturka 24:5

Ningkara wahma nani tila wina kum blikan wan, bîp wainhka nani ikaia, bara baha ba angki, Dawan ra sakripais dauki yaia, wal kli ai uplika taki sakripaiska tânka.

Impakan Sturka 28:15

“Lama prakaia, lâ daukan dukia nani ra prakan pîska ba sin, lama prakaika aiska, nahki paskan ba baku natka ra paskma, gul ni, mapla blu, balianta, pauni pali, sut ba linin ni pitban kabia.

Impakan Sturka 28:4

Prâka nani sipaia ba sika naha: lama prakaika ba, ‘‘efod’’ ba, purak dimaia prâka ba, prâka tara wala mamaia ba, linin ni sipaia lal ra wilkaika ba, bara maisa wila sin.

Impakan Sturka 29:9

Eran ra bara luhpia nani ra sin maisa wila ba wilkma, bara lal ra wilkaika ba sin wilkma. Bara baku natka ra karnika aiska yama, upla sut kaiki kaka, bara witin ai prîska lâka daukan ba baku ban kabia.

Aiseya 44:13

Yawan kaikpi dus ni diara papaskra ba: kulkaika dukia ba ni, dus ra praki kulki kaikisa, lilka ba ulbisa dus ra, baha ningkara klakaika ba ni klaki upla lilka painkira kum daukisa, upla wîna daukra lilkika paskisa, upla pranakira lilka ba, bara tempel bilara suni swisa.

Isikiel 21:21

Babilon kingka ba, yabalka wâlsut tâ pali ra buan sa, bara dîa kaia ba laki kaikisa: Trisba nani ba nikbisa, ai gâdka nani ra walisa, daiwan âuya nani ba laki kaikisa.

Isikiel 21:26

Yang Dawan sna ba, naku wisni: King kwalka ba mihtam dakbia, king kraunka ba drusbi mihtam wina sâkbia, bara diara sut ba aihka kabia. ¡Il tara ba tâ pali ra ulbia, twi langni ra ba, bara il tâura pali nani ba tasba ra kauhbia!

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Oseas 8:14

Israel utla tara nani mâkisa, sakuna ai Papaskra ba ai âuya tikisa. Juda tawan tara karnakira nani ailal paskisa, sakuna baha nani yang pauta klauhan kumi ra angkamna, watla tara nani ba sut ambia.”

Kulki Kaikanka 3:10

Bamna Eran bara luhpia nani baman yarka prîs warkka dauki kabia, bara ani upla wala baha lamara wabia ba prubia.”

Hibru Nani 5:4

Upla kumi sin kulkan lâka mita prîs tara takras sa; sakuna, Gâd mita sika paiwi baha kulkanka lâka yabi ba, sim Eran kata ba baku.

Wihta Nani 17:4

Micaías baha lalahka ai yaptika ra kli yaban ba ningkara, yaptika taki wan silbar ni diara papaskra waitnika kum ra, bara silbar mâ 200 yaban gâd bahki kum karbi paskaia, bara silbarka ba slilki taya pura ba lalaubaia. Baha paskbia ba ningkara, gâdka bahki ba Micaías watla ra bri si swibia.

Wihta Nani 18:14

Bara waitna matsip Lais tasbaya aiska wapi kaikan nani ba mita ai uplika wala nani ra win: —¿Nu sma man nani dîa? Naha watla ra prîs ‘‘efod’’ prâka kum nâra sa bara gâd nani sin bâra sa, dus wina karbi dauki silbar ni taya pura ba lalauban sa. ¿Man nani baha dukiara dîa lukisma?

Wihta Nani 18:24

Micaías pana witin nani ra win: —Yang gâdki nani mihti nani wal paski bri kapri ba, bara prîski ba sin, man nani brih auma, bara duki nani âpu ai dauki ai swisma, ¿bara kau ban kupias baku makabi walisma, man nani dîa trabil brisma?

Wihta Nani 18:30

Baha tawanka ra Micaías aidulka silbar ni lalaubi paskan ba watla daukan, bahara ai pura sunaia, bara Guersón luhpia Moses mulika, nina Janatan, witin nani ai prîska mangki brin. Baha wina Janatan luhpia nani sut ba, witin nani ai piua sut ra witin nani ai prîska aimaki kan, ban witin nani alba lâka ra brih wan piua ba kat.

Wihta Nani 8:27

Baha gulka nani ba Gedeón brih, prîs prâka ‘‘efod’’ paskan, bara witin ai tawanka Ofrá ra bri si, watla kum dauki baha bilara mangki swin, upla sut kaiki kaia. Bara Israel luhpia nani sut baha aidulka ra kaiki ai pura sunan, bara Dawan ra lika ai pura sunras kan. Bara baha ba Gedeón bara witin ai watla bilara ai luhpia nani sut mapa ra, mina alkaika kum takan.

1 Samuil 19:13

Bara Mical wih utla bîla wina aidul tara kum bri si, Debit krikrika ra suni swin, bara wihta kahbaika kum mangkan, guts taya ni pitbi daukan ba ni pura biki swin.

1 Samuil 23:6

Baku bamna, Abiatar, Ahimélec luhpia waitna ba, witin plapan kan Queilá ra waia Debit wal prawaia lukanka brih, bara prîs prâka pîs ba sin brih wan.