Wihta Nani 15:7 - DAWAN BÎLA AISKA

⁷ Witin nani baku daukan ba, Samson kaiki si bara witin nani ra win: —Man nani naku natka ra diara daukisma bamna, ¡yang swer takisna ris brimna apia, dîa munram ba baku pana sin yang mai munamna ba kat!

Wihta Nani 15:7 ပူးပေါင်းရင်းမြစ်များ

Roman 12:19

Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”

Wihta Nani 14:19

Baha ningkara Dawan spiritka ba Samson ra iwan, bara witin waitna karna takan; bamna Ascalón ra wan, bahara 30 waitna ikan baha tawanka uplika nani ra. Bara baha nani kwalka nani ba ni 30 waitna nani ra aibapan, witin dahra prakan tânka makabi walan ba param saki win ba waitnika nani ra. Ban sakuna, witin ai kupia sauhki ai aisa watla ra wan,

Wihta Nani 14:4

Sakuna ai aisika bara ai yaptika sin baha tânka briras kan, Dawan mita Samson ra baku daukaia mariki bri tauki kan ba. Dawan baku ai yabalka pliki kan ba, baha tâka bâk filisteo nani mapara aiklabaia, kan baha piua Israel luhpia nani ba filisteo nani lâka munhtara taibi bri kan.

Wihta Nani 15:6

Insla dawanka nani upla wala nani pliki makabi walan ya pali ba insla nani baku angkan ba. Upla nani ba win, Samson dapnika Timná wina ba mita ai luhpia mairin Samson maya kata ba, Samson uplika kum ra maya baikan; bara witin pana witin ra munaia dukiara wih insla nani ba angkan. Bara insla dawanka nani ba wih, Samson maya bara aisika watla sut angkan.

Wihta Nani 15:8

Bara Samson daiwan kraskira baku, witin nani wal aiklaban uplika nani ba sut sikniskira baman daukan. Baha wina witin Etam walpaya untika ra wih dimi takaskan.