Wihta Nani 12:4 - DAWAN BÎLA AISKA

⁴ Witin baha aisin ba ra, Galaad uplika nani ba sut paiwan asla takan, bara Jefté Efraín uplika nani ba wal aiklabi pura luan. Efraín wina balan nani ba bui Galaad uplika nani ra win baha uplika nani Efraín bara Manasés wal tasbaya bilara iwi uplika nani ba, Efraín wina plapan uplika nani ra.

Wihta Nani 12:4 ပူးပေါင်းရင်းမြစ်များ

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

Nihimaya 4:4

Bara yang puri sunri: “Yang nani Gâdki: man wals nahki baha nani yang nani laiwaska kiki ba. Bamna lahtubanka bîla aisi ba, man bui yas witin nani ai purara kauhbia, ai waihla nani mihta ra kauhbia bara alki alba brih kuntri wala ra brih wabia.

Lawana Nani 78:9

Efraín kiamka ba aiklabaia dukia nani bri kan, pantamangka bara trisba; sakuna aiklabaia piua ra ai ninara tawi wan.

Sins Lâka 12:13

Upla watawikira ba, ai kuninka aisi ba tilara aiblakwisa, sakuna kasakkira ba lika trabil saura wina swak takisa.

Sins Lâka 15:1

Swapni ni upla tawa aisaia ba ai kupia baikanka ba daskisa, sakuna sarka paski bîla nani lika kau kupia baikisa.

Wihta Nani 11:10

Wihta nani ba witin ra pramis takan: —Dawan ba yang nani witniski sa, yang nani dîa daukaia mai wîri ba kat daukamna.

Wihta Nani 12:3

Man nani bîlam kaikri balras kapram ba ra, yang rayaki ba prura ra tawri kan, Amón uplika nani wal aiklabaia wari, sakuna pura luaia karnika ba Dawan bui yang ra aikan. ¿Bara man nani nanara lika dîa muni yang wal aiklabaia aulma?

Wihta Nani 12:5

Galaad uplika nani ba mita Efraín uplika nani ba wina, Jordan awala puswi luaika yabalka nani ba dakbi brin, bara Efraín tila wina kum plapi swakwaia wisi wan ba ra, witin bui baha nani ra makabi walan, witin ba Efraín tawanka uplika sa sapa. Bara uplika ba bîla apia wibia kaka,

1 Samuil 25:10

Sakuna Nabal pana witin nani ra win: —¿Debit ba ya sa? ¿Jesé luhpia ba ya sa? ¡Naiwa yua alba nani manis ai dawanka nani wina plapisa!